קול מבשר לאגא

קול מבשר איז א אידיש־שפראך נייעס האטליין וואס גיט איבער נייעס און אינטערעסאנטע אינפארמאציע דורכ'ן טעלעפאן פארן ציבור פון חרדישע אידן. עס אנטהאלט פארשידענע אפטיילונגען ווי אידישע נייעס, וועלטליכע נייעס, אינטערוויוס, פאליטישע נייעס און אנאליזן, אקטועלע שטוב און סעזאנאלע נייעס, ביזנעס און פינאנציעלע נייעס, געזונטהייט, נגינה, און א תורה רובריק.

אינהאלטרעדאַקטירן

קול מבשר איז געגרינדעט געווארן תשס"ד און האט זיך אנטוויקלט צו א גרויסע ברייטפארצווייגטע אפעראציע מיט גאר אסאך אפטיילונגען. דער גרינדער און הויפט נייעס באריכטער איז ר' זלמן ווידער, וואס געט איבער די אידישע, חסידישע און וועלטליכע נייעס צוויי מאל א טאג אין צוגאב צו כסדר'דיגע באריכטן.

אויף קנעפל דריי איז דא א אויסוואל פון, אויספירליכע אינטערוויוס, געזונטהייט נייעס און לעקציעס, אן אויסוואל פון פינאנציעלע נייעס אנאליזן און לעקציעס, א סעריע פון חיזוק און זעלבסט-הילף שמוסן, א סעריע איבער חורבן אייראפע, א גרויסע אויסוואל פון פאליטישע און פארטייאישע אנאליזן שמוסן און אפהאנדלונגען, און צום לעצט די לאנגיעריגע גאר באליבטע וועכענטליכע לייכטע אונטערהאלטונג אנאליז אויף קנעפל ניין וואס באהאנדלט אלץ און אלעמען אויף א גוטמיטיגען שטייגער,.

אינעם זומער סעזאן איז אויף נומער זיבן דא א טראפיק אפטיילונג מיט פונקטליכע אנווייזונגען וויאזוי צו פארמיידן טרעפיק אויפן וועג צו און פון די אידישע קעטסקיל בערג "די קאנטרי".

מוזיקרעדאַקטירן

אין תשע"ז האט זיך געגרינדעט א נייע אפטיילונג וואס רופט זיך ״כשרונות.״ עס איז א פראגראם ענליך צו די ״אמעריקן גאט טעלענט,״ מענטשן קענען אריינשיקן זייערע טאלאנטן, און מען שפילט עס אויף אויפ׳ן ׳קול מבשר׳ און אלע צוהערער קענען אפגעבן א שטים פאר וועם זיי גלייכן מער. דערנאך קומען ארויף עטליכע מבינים, וואס זענען די ריכטער. די פראגראם ווערט אנגעפירט דורך דער בארימטער אינטערוויוער און שריפטשטעלער הרב וועלוועל שמעלצער, א ברודער מיט ליפא שמעלצער.

אויך איז דא א מוזיק אפטיילונג (נומער 8) וואו מען קען הערן עטליכע אויסוואלן נאכאנאנדע מוזיק, און אן אפטיילונג פון נייע אלבאמען. אזוי אויך קען מען הערן אלע נייע ׳סינגעלס׳ וואס קומען ארויס. ווי אויך נומער 0 איז דא א שפאציר אין עולם הניגנה יעדע ליל שישי מיט פערזענדליכקייטן אינע עולם הנגינה אנגעפירט דורך הרב וועלוול שמעלצער

די נייעס אויף קול מבשר ווערט איבער געפרישט צוויי מאל א טאג. א חוץ די בולעטין אפטיילונג וואס טוישט זיך יעדעס מאל וואס עס קומט אריין עפעס אן אינטערסאנטע נייעס וכדומה עס איז דא אן אויסוואל צו גיין פון קול מבשר צו קול הלשון.

מיטארבעטערסרעדאַקטירן

פאליטיק לאזט ער איבער פארן ר' יוסף געשטעטנער א גאר טאלאנטפולע און געשמאקע אינגערמאן אין א מייסטער אין פאליטיק וואס גיט איבער די טעגליכע פאליטישע נייעס און א סך-הכל פון די טעגליכע נייעס אין עקאנאמיע און פינאנץ. דער חשובער אינגערמאן ידען און שרייבער ר' יצחק שלמה דרעזנער פון בארא פארק מיט ר' הענדיל ברייער גיבט די נאכאנאנדע אינטערוויס און אויך רוב אויספירליכע אינטערוויס.

די געזונטהייט אפטיילונג ווערט געפירט דורך דעם לעגענדארן גרינדער און פירער פון עטליכע גאר וויכטיגע וואוילטעטיגע ארגאניזאציעס הרב ר' הערשל מייזעלס,

אין די ביזנעס אפטיילונג קען מען הערן ר' יונה כהן, ר' חיים עקשטיין גיבט די "דיזייניג אין סוקסעס" שמועסן

די פאליטישע אנאליזן ווערן איבערגעגעבן דורך ר' יצחק קלאר, און ר' הערשל פרידמאן פון קרית יואל און יואל פעלזען פון וויליאמסבורג וועלכע איז על פי רוב מסביר די ליבעראלע זייט און נאך.

אקטיוועלע אנאליזן ווערן איבערגעגעבן דורך ר' אליעזר קרויס ווי ער רעדט ארום פון פול קאנטראווערסיאלע ענינים, בעיקר האט ער זיך באקאנט געמאכט מיטן אויפשטורעמען די וועלט איבער די נישט נארמאלע הוצאות ביים חתונה מאַכן, און ער איז טאקע זייער פארנומען ווי אזוי מ'קען שפארן געלט..

קול מבשר האט אויך א טשיקאווע ווינקל ווי ר' ארי' אבראמאוויטש גיבט איבער איין מאל א וואך טשיקאווע נייעס און אינטערסאנטע נייעס פון ארום די וועלט.

איין מאל א וואך גיבט ר' פנחס גלויבער א שמועס וואס ווערט גערופן "על רגל אחת" ווי רעדט ארום פון גאר אינטערעסנטע נושאים

קריטיקרעדאַקטירן

די קריטיק וואס איז דא קעגן דעם איז: אז די יונגלעך און בחורים האבן צוטריט דערצו, וואס אפילו א טאטע וועלכער לאזט נישט אריין קיין צייטונגען אין שטוב ווייל לויט זייער מיינונג מוזן די קינדער נישט זיין אינפארמירט מיט אלע טאג טעגליכע געשעענישן, ביי קול מבשר קען ער נישט אפשטעלן דעם זון וועלכער קען רופן ווען אימער.