מרדכי יוסף אלעזר ליינער

רבי מרדכי יוסף אלעזר ליינער (כ"ז שבט ה'תרל"ג - כ"ו שבט ה'תרפ"ט) איז געווען דער צווייטער ראדזינער רבי.

מרדכי יוסף אלעזר ליינער
קיין פריי בילד
געבורט 1873
איזשביצע, פוילן רעדאקטירן דעם פֿאקט ביי וויקידאטן
טויט 1929 (אלט 56 בערך)
ווארשע רעדאקטירן דעם פֿאקט ביי וויקידאטן
קבורה ארט יידישער בית עולם אין ווארשע רעדאקטירן דעם פֿאקט ביי וויקידאטן
פאך רב רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

אפשטאם רעדאַקטירן

רבי מרדכי יוסף אלעזר איז געבוירן געווארן כ"ז שבט תרל"ג אינעם שטעטל איזשביצע, קאנגרעס פוילן, צו זיין פאטער, רבי גרשון העניך ליינער, דער ערשטער ראדזינער רבי, דער "בעל התכלת", א זון פון רבי יעקב ליינער, דער "בית יעקב" פון איזשביצע, א זון פון רבי מרדכי יוסף ליינער פון איזשביצע, דער "מי השילוח".

רבנות רעדאַקטירן

אום ד' טבת תרנ"א איז זיין פאטער נפטר געווארן, און רבי מרדכי יוסף אלעזר איז געווארן רבי אין ראדזין.

זיין איידעם איז געווען הרב יחיאל צבי גוראריה, א זון פון הרב נתן גוראריה. ווען דער איידעם איז געקומען קיין ראדזין האט די משפחה געבעטן ער זאל טראגן תכלת אויף זיין טלית לויטן ראדזינער מנהג. אזוי ווי ער איז געווען א חב'דסקער חסיד, אבער, און וויסנדיק די שיטה פון דער ליובאוויטשער רבי נישט צו גיין מיט תכלת, האט ער נישט מסכים געווען. ווען דער ליובאוויטשער רבי האט געהערט דערפון, האט ער אים געהייסן לייגן תכלת אויף זיין ציצית צוליב זיין שווער (דער ראדזינער) וועמען ער האט גערופן אן "אדם גדול".

ביי דער ערשטער וועלט מלחמה האט ער זיך געצויגן פון ראדזין קיין ווארשע.

ווען רבי מנחם מענדל שניאורסאהן האט חתונה געהאט אין תרפ"ט מיט מרת חיה מושקא, די טאכטער פונעם ליובאוויטשער רבין רבי יוסף יצחק שניאורסאהן, אין ווארשע, איז רבי מרדכי יוסף אלעזר געווען דער איינציקער רבי וואס האט באקומען א כיבוד ביי דער חופה, לייענען די כתובה.‏[1]

רבי מרדכי יוסף איז נפטר געווארן כ"ו שבט תרפ"ט אין ווארשע, און ער ליגט אינעם בית עולם דארטן.

משפחה רעדאַקטירן

די קינדער פון רבי מרדכי יוסף אלעזר זענען געווען:

  • מרת חוה, ווייב פון הרב יעקב גראמאן הי"ד
  • מרת טויבע בינה (טאפטשע), ווייב פון רבי יחיאל צבי גוראריה הי"ד
  • הדסה הי"ד

זיינע ספרים רעדאַקטירן

  • "תפארת יוסף" - דרשות ומאמרים אויף חדשים פון יאר און סדרות


רעפערענצן רעדאַקטירן

  1. אין ראדזין האבן זיי א מסורה אז זייער רבי האט מען מכבד געווען מיט סידור קידושין, אבער ס'איז נישט געווארן.