אליעזר קרויס

אליעזר קרויס איז א רעדנער וואס האט א פאדקעסט וואס הייסט ״אקטועלע אנאליזן״ אויף קול מבשר יעדע וואך געווענליך מאנטאג און דאנערשטאג וואס הייסט צו האבן גאר אסאך צוהערער. ווי ער רעדט ארום פון פול קאנטראווערסיאלע ענינים. בעיקר האט ער זיך באקאנט געמאכט מיטן אויפשטורעמען די וועלט איבער די נישט נארמאלע הוצאות ביים חתונה מאַכן, און ער איז טאקע זייער פארנומען ווי אזוי מ'קען שפארן געלט. אויך רעדט ער כסדר אז מען זאל זיך ארויסציען פון די עסטעבלישט געגענטער וואס זענען זייער טייער און גיין צו אנדערע געגענטער וואס זענען ביליגער. ער האט זאגאר אנגעהויבן א קאמפיין אז חסידים זאלן זיך ציען פון ניו יארק קיין פלארידע, וואו ער וויל עפענען א חסידישער געגענט רעדנדיג כסדר פון די מעלות פון פלארידע איבער ניו יארק.

דער נאמען אליעזר קרויס איז א פסעוודאנים פאר ישעי' איצקאוויטש א ביזנעסמאן און חבר הנהלת המוסדות פון אהבת שלום מאנסי.