אברהם יעקב פרידמאן
|
דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
רבי אברהם יעקב פרידמאן (כ' חשוון ה'תק"ף - י"א אלול ה'תרמ"ג), פון סאדיגורא, איז געווען דער צווייטער זון פון דעם רוזשינער.
 | |
| געבורט |
28 אקטאבער 1820 רוזשין, אוקראינע  |
|---|---|
| טויט |
12 סעפטעמבער 1883 (אלט 62) סאדיגורא, עסטרייך אונגארישע אימפעריע |
| קבורה ארט |
סאדיגורא |
| פאך |
רב |
  | |
- דער ארטיקל דיסקוטירט דער זון פונעם הייליגן רוזשינער. טאמער זוכט איר אן אנדער באדייטונג, זעט אברהם יעקב פרידמאן (באדייטן).
אפשטאם
רעדאַקטירןרבי אברהם יעקב איז געבוירן כ' חשוון ה'תק"ף, צו זיין פאטער הרב ישראל פרידמאן פון רוזשין, א זון פון הרב שלום שכנא, פון פראהבישטש, א זון פון הרב אברהם המלאך, דער חסד לאברהם, א זון פון הרב דוב בער, דער מעזריטשער מגיד.
רבנות
רעדאַקטירןנאך זיין ברודער רבי שלום יוסף'ס פטירה, י"א אלול ה'תרי"א, איז רבי אברהם יעקב געווארן דער ממלא מקום פון פאטער און ברודער, אלס רבי אין סאדיגורא.
זיין איינפלוס האט געהאט א ווייטן פארנעם, זיינע אנהענגערס האבן זיך געציילט אין טויזנטער, צווישן זיי באקאנטע רבי'ס און רבנים. רבי אברהם יעקב איז געווען דער פרעזידענט (נשיא) פון צדקת רמבה"נ פאר גאנץ רוסלאנד, דורך זיין אינטערווענירונג האט מען אויפגעשטעלט די אלע הייזער פון כולל וואהלין אין ירושלים.
הסתלקות
רעדאַקטירןנאך שבועות ה'תרמ"ג איז רבי אברהם יעקב קראנק געווארן, די דאקטוירים האבן פעסטגעשטעלט אז זיין מאגן איז איינגעטריקנט געווארן פון אזויפיל פאסטן. י"א אלול, דעם זעלבן טאג וואס זיין עלטערע ברודער איז נפטר געווארן, האט ער געזאגט דברי תורה אויף דעם פיוט "נאפד נקמה סתרו יושר", ער האט געדאוונט זיין לעצטן מעריב, און איז נפטר געווארן י"א אלול ה'תרמ"ג, ער ליגט אין סאדיגורא אין פאטער'ס אוהל.
פאמיליע
רעדאַקטירןרבי אברהם יעקב האט געהייראט אין עלטער פון דרייצן יאר, י"ח סיון [1] ה'תקצ"ג אין פינסק, מרת מרים, א טאכטער פון הרב אהרן פערלאוו, דער בית אהרן, א זון פון הרב אשר פערלאוו פון קארלין-סטאלין. זייערע קינדער:
- מרת הדסה פייגא (פייגא'לע) ( - י"א תשרי ה'תרצ"ב), די ווייב פון רבי אבי עזרא זעליג שפירא (ה'תקצ"ו (אומגעפער) - י"ט מנחם אב ה'תרמ"ה), א זון פון דער שרף פון מאגלניצא.
- מרת פערל, די ווייב פון רבי מנחם נחום דוב בער פרידמאן (ה'תר"ג - כ"ז מנחם אב ה'תרמ"ג), פון סאדיגורא.
- מרת שרה רבקה ( - כ"ה סיון ה'תרמ"ז), די ווייב פון רבי ישראל שלום יוסף העשל (חשוון ה'תרי"ג - כ"ט מנחם אב ה'תרע"א), פון מעזשיביזש, א זון פון רבי אברהם יהושע העשל, פון מעזשיביזש. זי האט נישט זוכה געווען צו קינדער.
- מרת שבע רוחמה, די ווייב פון רבי ישראל פרידמאן (י' אייר ה'תרי"ד - י"ג כסלו ה'תרצ"ד), פון טשארטקאוו.
- רבי חיים אהרן פרידמאן (ה'תרל"ג - כ"ו אלול ה'תרפ"ו).
- רבי נחום מרדכי פרידמאן (י"ז שבט ה'תרל"ד - י"ח אדר ב' ה'תש"ו), פון טשארטקאוו.
- רבי דוב בער פרידמאן (ה'תרמ"ב - כ"ד אלול ה'תרצ"ו), פון טשארטקאוו.
- מרת מרים, די ווייב פון רבי מנחם נחום פרידמאן (ה'תרל"ט - כ"א סיון ה'תרצ"ג), פון איצקאן, א זון פון רבי אברהם יהושע העשיל פרידמאן פון אדזשאד.
- מרת חוה ( - ט"ז סיון ה'תש"ג), די ווייב פון רבי צבי אריה טווערסקי (ה'תר"ן - ח"י מנחם אב ה'תשכ"ח), פון זלאטיפאל.
בזיווג שני האט רבי אברהם יעקב געהייראט מרת "גיטל", א טאכטער פון זיין ברודער רבי מנחם נחום פרידמאן פון שטעפאנעשט.
זעט אויך
רעדאַקטירןרעפערענצן
רעדאַקטירן- אנציקלופדיה לחכמי גליציה, מאיר וונדר
- נר ישראל ח"ו בערכו (4)
- ↑ נר ישראל בערכו, א.ל.ג. י"ז סיון