טמרה

טמרה קוואַדראַט בייַ די אַרייַנגאַנג צו טמרה מדינה / טעריטאָריע ישראל ראַיאָן צפון בירגערמייסטער מוסא אבו רומי אָפיציעלע שפּראַך אַראַביש שטח 29.259 קוואדראט ק"מ הייך 50 מעטער  ‑ אין שטאָט  ‑ באַפעלקערונג ענגקײט 28,900‏  (שטייענדיג 2010) 988 באוואוינער א ק"מ2 צײַט זאָנע UTC+2

טמרה (אַראַביש: طمرة) איז אַ ישראל אַראַבער שטאָט אין דעם צפון דיסטריקט פון ישראל וואס ליגט אין אונטער גליל 5 קילאָמעטער צפון פון דער שטאָט שפרעם און בערך 20 קילאָמעטער מזרח פון עכו. טמרה איז געווארן א שטאט אפיציעל אין 1996.

געשיכטע

די ישראל קראפטן האבן איינגענומען טמרה פון דער אַראַבער באפרייאונג אַרמיי און דער סירישער אַרמיי אין דער 1948 אומאפהענגיקייט מלחמה ביי דער דקל אקציע. די שטאָט איז געוואקסן גיך אין דער צייַט פון ישראל'ס ערשטער יאָרן ווי אַ פאָלק רעכט צו דער איינפלוס פון פּאַלעסטינער פליטים פון די ארומיגע חרובֿע דערפער ווי אל-בירוואַ און אל-דאַמון. טמרה איז געווארן א לאקאלע ראַט אין 1956 און איז דערקלערט אַ שטאָט אין 1996.

דעמאגראפיע

לויט דעם ישראל צענטראלן ביורא פאר סטאטיסטיק, בייַם סוף פון 2007 האט די שטאָט געהאט אַ באַפעלקערונג פון 27,300. אין 2001, דער עטנישער באַשטאַנד פון דער שטאָט איז געווען כּמעט אין גאנצן אַראַבער (99.6% מוסולמענער), מיט קיין באַטייַטיקער ייִדער באַפעלקערונג.

אין 2001 זענען געווען 11,900 מענער און 11,400 פרויען. די באַפעלקערונג פון דער שטאָט איז געווען צעשפּרייט מיט 48.5% אונטער 19 יאר, 18.0% צווישן 20 און 29, 19.7% צווישן 30 און 44, 9.0% 45-59, 1.6% 60-64, און 3.0% 65 יאָר אָדער עלטער. דער באַפעלקערונג וווּקס קורס אין 2001 איז געווען 3.3% און 2005 האט גענידערט צו 2.5%.

בילדונג

עס זענען 13 שולעס און 5779 סטודענטן אין דער שטאָט. זיי זענען צעשפּרייט ווי 9 עלעמענטאַר שולעס און 4000 עלעמענטאַר שול סטודענטן, און צוויי הויך שולעס און 2324 הויך שולע סטודענטן. 54.6% פון די 12טער כתה סטודענטן האבן באוויזן צו מאַטריקולירן אין 2001.

ספארט

דירשטאָט'ס הויפּט פוטבאָל קאָלעקטיוו, הפועל בני טמרה, שפּילט אין דער נאציאנאלער ליגע.

וועבלינק

• ברוך הבא צו טמרה

שטעט אין ישראל