דגל התורה
דגל התורה (אידיש: פאן פון דער תורה) איז די ליטווישע פאליטישע פארטיי, געגרינדעט דורך הרב שך זיך אפגעטיילט פון אגודת ישראל נאך זייער טענה אז די חסידים און זייערע רביס קאנטראלירן די יהדות החרדית פאליטיק. די פארטיי האט יעצט דריי דעפוטאטן אין דעם כנסת, משה גפני, אורי מאקלעוו און יעקב אשר.
איצט דינען זיי מיט א שלום אינאיינעם מיט אגודה אינערהאלב יהדות התורה והשבת.
היסטאריערעדאַקטירן
דגל התורה איז געגרינדעט געווארן אין 1988 אפגעשפאלטן פון אגודת ישראל,[1] דורך הרב אלעזר מנחם מן שך נאכדעם וואס די ליטווישע גדולים האבן געהאט גרויסע חילוקי דעות מיט די אדמורי״ם אין דער מועצת גדולי התורה. ביי די כנסת וואלן 1988 האט דגל התורה באקומען צוויי מאנדאטן, און זענען געווארן פארטרעטן דורך אברהם ראוויץ און משה גפני, און זיי האבן מיטגעטיילט אין דער קאאליציע רעגירונג פון יצחק שמיר. ביי די כנסת וואלן 1992, האט דגל געלאפן צוזאמען מיט אגודת ישראל מיט איין ליסטע יהדות התורה והשבת.
מועצת גדולי התורהרעדאַקטירן
דער פארזיצער פון דער מועצת גדולי התורה פון דגל התורה היינט איז רבי אהרן לייב שטיינמאן, ראש ישיבה פון דער פאנאוועזשער ישיבה לצעירים, גאון יעקב, ארחות תורה, און תורה בתפארתה. די אנדערע מיטגלידער זענען:
- רבי מאיר צבי בערגמאן, ראש ישיבה פון ישיבת רשב"י אין בני ברק
- רבי גרשון עדלשטיין, פאנוועזשער ראש ישיבה
- רבי נסים קארעליץ, ראש כולל פון כולל חזון איש
- רבי יצחק שיינער, ראש ישיבה פון דער קאמעניצער ישיבה אין ירושלים
די פאלגנדע זענען געווארן מיטגלידער פון דער מועצה כ"ה אב ה'תשע"ב ביי דער זיצונג וואס האט מטפל געווען מיטן ענין פון רעקרוטירן ישיבה בחורים אין צה"ל:[2]
- רבי אריה פינקל, ראש ישיבה פון מיר (בראכפעלד) (נפטר ה'תשע"ו)
- רבי אליעזר יהודה פינקל, מירער ראש ישיבה אין ירושלים
- רבי בערל פאווארסקי,ראש ישיבה דער פון פאנאוועזשער ישיבה
- רבי ברוך מרדכי אזרחי, ראש ישיבה פון עטרת ישראל אין ירושלים
- רבי דוב יפה, זקן המשגיחים, פון רכסים כפר חסידים (נפטר ה'תשע"ח)
- רבי דן סג"ל, משגיח פון תפרח
- רבי דוד כהן, ראש ישיבה פון דער חברונער ישיבה אין ירושלים
- רבי יצחק זילבערשטיין, רב פון רמת אלחנן
- רבי יהודה עדס, ראש ישיבה פון קול יעקב אין ירושלים
- רבי משה הלל הירש, א ראש ישיבה אין דער סלאבאדקער ישיבה אין בני ברק
רעפערענצןרעדאַקטירן
- ↑ Matthew Wagner (14 דעצעמבער 2005). "Degel Hatorah kicks off election campaign". דערגרייכט דעם 17טן יוני 2015.
- ↑ זיצונג פון מועצת פון דגל התורה, ביי אידישע טעגליכע נייעס, כ"ו אב תשע"ב (אויף העברעיש)