מרדכי שטיין
| רבי מרדכי שטיין | ||
|---|---|---|
| פאלטיטשענער רבי | ||
 הרב מרדכי שטיין מפאלטישאן | ||
| געבורט | י"ג אדר תש"א פאלטיטשען, ראמעניע | |
| חסידות | פאלטיטשען | |
| הויף ארט | בארא פארק, ברוקלין | |
| נומער אין דינאסטיע | 3 (8טער אין טשערנאבילער גזע) | |
| פאריגער | רבי ישראל אברהם שטיין | |
| זיינע רביס | רבי חיים מאיר האגער פון וויזשניץ, רבי יואל טייטלבוים פון סאטמאר | |
| פאטער | רבי ישראל אברהם פון פאלטיטשען | |
| מוטער | שרה טווערסקי | |
| ווייב | רבקה לאה כהנא | |
| קינדער | רחל האלבארשטאם, יצחק שטיין, דוד שלמה שטיין, מנחם מענדל שטיין, צפורה כהנא, העניא ריזל מייזליש, חיה חנה לויפער, צירל האגער, אפרים אהרן שטיין, אלעזר שטיין | |
רבי מרדכי שטיין (געב' י"ג אדר תש"א), אדער ווי מ'רופט אים רבי מאטל שטיין, איז דער פאלטיטשאנער רבי, און וואוינט אין בארא פארק.
ביאגראפיע
רעדאַקטירןרבי מרדכי איז געבוירן געווארן י״ג אדר תש״א צו זיין פאטער, רבי ישראל אברהם שטיין, דער פריערדיגער פאלטיטשאנער רבי, וואס האט געוואוינט אין בענסאנהורסט, ניו יארק.
רבי מרדכי האט געלערנט אין דער וויזשניצער ישיבה אין שיכון וויזניץ, בני ברק, וואו ער איז געווען זייער נאנט צו זיין רבי, רבי חיים מאיר האגער פון וויזשניץ.
כאטש ער איז געווען אנהייב פון די אזוי־גערופענע מורדים, האט ער אבער 'אפיציעל' איבערגעבעטן זיין רבי'ן, און זיך שפעטער צוגעשארט צו מאנסי-ווישניץ און די עקסטרעמע סאטמארער רייען.
רבי מרדכי האט געהייראט א טאכטער פון רבי יוסף מאיר כהנא פון ספינקא.
ר' מרדכי איז געווען ראש ישיבה אין דער סאטמארער ישיבה גדולה פון בערך תשל"ח ביז תשמ"א. אבער ווען רבי יואל איז אוועק האט די משפחה צוביסלעך אפגעהאקט מיט סאטמאר, רבי מרדכי איז היינט א וויזשניץ מאנסי'ער חסיד.
ר' מרדכי, אזוי ווי זיין פאטער, איז א שטארקער סימפאטיקער צו בני יואל און האט נישט געהאט קיין שום קשר מיטן פריערדיקן סאטמארער רבי, ר' משה טייטלבוים, און זיין נאכפאלגער רבי אהרן טייטלבוים.
ביי דער סאטמארער מחלוקה צווישן ר' אהרן און ר' זלמן לייב, האט זיך ר' מרדכי צוגעשטעלט צו ר' זלמן לייב, פונקט ווי אסאך קעגנערס פון ר' משה. תשס"ו האט זיין איידעם זיך משדך געווען מיט רבי זלמן לייב.
ר' מרדכי איז א ווארימער רעדנער און זייער א חסידישער איד, און איז אנערקענט אלס איינער פון די אנגעזעהנע רבי'ס.
רבי מרדכי איז געווען שטארק מקושר צו זיין רבי און קרוב, רבי מרדכי פון וויזנשיץ-מאנסי.
קינדער
רעדאַקטירן- רבי יצחק שטיין, איידעם פון רבי משה ראטענבערג, וואידיסלאווער רב, דיין און מורה הוראה פון פאלטישאן, און ראש בית דין קארלסבורג בארא פארק.
- רבי דוד שלמה שטיין, איידעם פון רבי הערשעלע ספינקער, און ראש הכולל אברכים בית אברהם ספינקא בנשיאות פון זיין שוואגער רבי אביש'ל ספינקער.
- רבי מנחם מענדיל שטיין, איידעם פון רבי יוסף משה מייזליש, זון פון רבי צבי הירש מייזליש, ווייטצענער רב. ער איז רב פון דעם סאווראנער בית מדרש אין וויליאמסבורג.
- רבי אפרים אהרן שטיין ( נפטר תשע"ג), איידעם פון רבי אליעזר ליפא בערגער פון מישקאלץ, חתן רבי מנחם ישראל ראטטענבערג פון קאסאן.[1]
- רבי אלעזר שטיין, איידעם פון רבי חיים יצחק טווערסקי פון לויעוו-טשערנאביל
- הרבנית רחל, ווייב פון הרב ברוך נתן האלבערשטאם, דער זון פון רבי משה האלבערשטאם, קיוויאשדער רבי; און רב פון סאטמר (רבי זלמן לייב׳ס) אין לאנדאן
- הרבנית צפורה, ווייב פון איר שוועסטער-קינד הרב צבי כהנא, זון פון (איר מאמע'ס ברודער) רבי ברוך כהנא, ספינקער רבי פון אנטווערפן, רב אין פשעווארסק מאנסי.
- מרת העניא רייזל, ווייב פון רבי פנחס אליעזר מייזליש, שאפראנער רב, זון פון רבי צבי הירש פון שאפראן.
- מרת חנה חיה, ווייב פון רבי ברוך בענדיט לויפער.
- מרת צירל, ווייב פון רבי ישראל האגער, זון הרב פנחס שלום האגער, וויזשניצער רבי פון בארא פארק.
וועבלינקען
רעדאַקטירןרעפערענצן
רעדאַקטירן- ↑ אלי בן דוד. אדמו"רים ורבנים ניחמו אבלים אצל אב"ד פאלטישאן.
| פֿריערדיגער: רבי ישראל אברהם שטיין |
דער פאלטיטשענער רבי תש"נ - |
נאָכפֿאלגער: היינטיקער |