רעגנוואלד

א רעגנוואלד איז א וואלד כאראקטיזירט מיט א גרויסער קוואנטיטעט פון רעגן. ס'איז אנגענומען אז אין א רעגנוואלד דארף א מינימום פון 1750 צו 2000 מילימעטער אראפגאלאזטע פייכטקייט אין א יאר.

רעגנוואלד אין די בלויע בערג, אויסטראליע

א רעגנוואלד פאדערט א טראפישן קלימאט מיט הויכער היץ און הויכער פייכטקייט, און גרויסע טייכן מיט אסאך וואסער.

רעגנוועלדער זענען ערטער וואס האלטן אויס צוויי דריטל פון דער וועלט'ס בעלי חיים און פלאנצן. ס'איז דא א השערה אז הונדערטער מיליאנען פון פלאנצן, אינסעקטן און מיקרא־ארגניזמען וואס לעבן אין די רעגנוועלדער זענען נאך נישט אנטפלעקט געווארן. דער רעגנוואלד איז אויך א קוואל פאר א סאך מעדיקאמענטן.

זענען דא צוויי סארטן רעגנוועלדער:

• טראפישער רעגנוואלד - געפינט זיך אין די טראפישע ראיאנען נאנט צום עקוואטאר. די וועלדער זענען אין דרום-מזרח אזיע (פון בורמע ביז אינדאנעזיע און פאפוע ניי גיני, צפון און מזרח אויסטראליע), אין אפריקע דרום פון סאהארא, אין דרום און צענטראל אמעריקע,און אין אסאך אינזלען אינעם פאציפישן אקעאן.

• מעסיקער רעגנוואלד - געפינט זיך ביי די בארטנס פון די מעסיקע ראיאנען - ביים מערב בארטן פון צפון אמעריקע, אייראפע, מזרח אזיע און דרום אויסטראליע און ניי זילאנד.