קאזאן

קאַזאַן Каза́нь מדינה / טעריטאָריע רוסלאַנד גרינדונג דאַטע 1005 בירגערמייסטער אילסור מעטשין שטח 425.3 קוואדראט ק"מ  ‑ אין שטאָט  ‑ באַפעלקערונג ענגקײט 1,216,965‏  (שטייענדיג 2016) 2,689 באוואוינער א ק"מ2 צײַט זאָנע UTC+3

קאַזאַן (רוסיש: Каза́нь; טאטעריש: Казан) איז די הויפטשטאט און גרעסטע שטאט פון דער רעפובליק פון טאטארסטאן, רוסלאנד. מיט א באפעלקערונג פון  1,143,535, איז די אכט מערסט באפעלקערטע שטאט אין רוסלאנד. קאזאן ליגט ביים צוזאמענפלוס פון די וואלגא און קאזאנקע טייכן אין אייראפעאישן רוסלאנד. דער קאזאן קרעמלין איז א  וועלט ירושה ארט.

אין 2015, האבן 2.1 מיליאן טוריסטן באזוכט קאזאן, א 20% פארמערונג אין פארגלייך מיט 2014.

היסטאריע

מאדערנע תקופה

דמיטרי מעוודעעוו באזוכט קאזאן

אין די סוף 1980ער יארן און אין די 1990ער יארן נאך דער צערירונג פונעם סאוועטן פארבאנד, איז קאזאן ווידעראמאל געווארן דער צענטער פון דער טאטערן קולטור און אידענטיטעט. ווען קאפיטאליזם איז צוריק איז קאזאן געווארן איינער פון די וויכטיקסטע צענטערן פון דער רוסישער פעדעראציע. די שטאט איז געגאנגען פון 10טן צום 8טן ארט אין דער באפעלקערונג פאררעכענונג פון רוסישע שטעט.

עקאנאמיע

קאזאן איז איינער פון די גרעסטע אינדוסטריעלע און פינאנציעלע צענטערן פון רוסלאנד, און א פירנדיקע שטאט פונעם וואלגא עקאנאמישן ראיאן אין קאנסטרוקציע און אינוועסטירונג.

טראנספארטאציע

קאזאן אינטערנאציאנאלע פליפעלד

נאכט באקוק אויף קאזאן פון דער לופט

בריק איבער באלאַק קאנאל 

שטאָט אויטאבוס

קאזאן אינטערנאציאנאלע פליפעלד איז פלאצירט 26 ק״מ פון דעם שטאט-צענטער.

באנען

קאזאן איז פארבונדן מיט  מאסקווע, אוליאנאווסק, יאשקאר-אלע און יעקאטעריבורג מיט דער באן.

דעמאגגראפיע

רעליגיע

די הויפט רעליגיעס אין קאזאן זענען סוני איסלאם און פראוואסלאוונע קריסטנטום; אויך געפינען זיך קאטאליקן, פראטעסטאנטן, יידן און באהאי.

יידן

ביז 1914 האט מען ערלויבט נאר קאנטאניסטן זיך באזעצן אין דער שטאט. נאך דער ערשטער וועלט-מלחמה זענען אנגעקומען אין שטאט א סך יידישע פליטים פון דער געגנט פון די קאמפן אין היינטיגע בעלארוס און ליטא, און זיי האבן אויפגעשטעלט א גרויסע קהילה. הרב בן־ציון חיים ציוני (זילבער) האט געדינט אלס שטאטס רב ביז די 1930ער יארן. דערנאך האט דער ראטן פארבאנד אנגעהוין רודפ׳ן יידישקייט; זיי האבן פארשלאסן אלע יידישע מוסדות און האבן קאנפיסקירט די שול. אין דער תקופה פון פערעסטרויע און גלאסנאסט אונטער מיכאיל גארבאטשאוו האט מען באנייט יידישע טעטיקייטן. אין תשנ״ז איז אנגעקומען הרב יצחק גארעליק, א ליובאוויטשער, אין קאזאן און מען האט אים באשטימט הויפט רב. אונטער זיין פירערשאפט האט די קהילה געבליט ווייטער. קאזאן האט א שול, און אין תשע״ח האט מען געעפנט דארט א ישיבה.

שפראכן

רוסיש ווערט ברייט גערעדט אין שטאט. ביי די טאטערן רעדט מען אויך טאטעריש.