משמחי לב
משמחי לב איז דער נאמען פון א צדקה ארגאניזאציע אין ירושלים, וואס פארטיילט מיליאנען דאלער א יאר פאר עניי ארץ ישראל. דער גרינדער פון משמחי לב איז געווען ר' זלמן אשכנזי.
משמחי לב גיט היינט צו טאג די גרעסטע חלוקה אין די ערב פסח טעג ווען עס ווערט אויסגעטיילט פאר טויזנטער אידן פון ארץ ישראל אויף פסח בשר ועוף ווי אויך וויין און קיאפאנס אין דעם שפייזקראם. אויך ווערט אויסגעטיילט קרוב צו 40,000 פאר שיך פאר קינדער דאס איז אויסער די טשעקס וואס ווער אויסגעטיילט פאר אריבער 400 אלמנות אין ארץ ישראל און אריבער 100 אלמנות אין אמעריקא צו צוויי מאל א יאר.
ואויך געבן זיי אויס יערליך געלט פאר חתונות פון יתומים אין ארץ ישראל ווי יעדער יתום אדער יתומה באקומט צו שטייער אויף דער חתונה פון משמחי לב.
ווען ר' זלמן אשכנזי איז געגאנגן וואוינן תשל"ב אין ארץ ישראל כדי צו באדינען זיין זיידע ר' אלכסנד חיים אשכנזי האט ער נישט געקענט צו זען די דחקות פון זיינע חבירים אין כולל האט ער אנגעהויבן ארום צו גיין יעדע וואך נאך געלט צו קענען טיילן פאר זיינע חבירים אויף שבת און אזוי זייענדיג מוסיף והולך ביז ער איז שפעטער געקומען קיין אמעריקא ווי ער האט אויף דער עצה פון זיין רבין זיין קרוב דער סאטמארער רב בעל דברי יואל ווייטער אנגעהאלטן די צדקה וחסד ווי עס האט מיט די יארן ארויסגעוואקסן אלץ איינער פון די באקאנטסטע צדקה אימפעריעס.
אזוי איז עס אנגעגאנגען קרוב צו 40 יאר ביז בשנת תשע"א איז ר' זלמן קראנק געווארן אויף די ביטערע מעשה ביז ער איז נסתלק געוואר יום ב' אדר תשע"א. די צדקה וחסד ארגאניזאציע איז זיך נאך מער צו וואקסן די לעצטע צייטן לאחר פטירתו ווי עס ווערט געפירט דורך זון ר' סענדר אשכנזי פון בארא פארק מיט זיין קרוב ר' בערל אשכנזי אב"ד מאגלניצא.
װעבלינקען
רעדאַקטירןאידישע וואולטעטיגע ארגאניזאציעס וואס זענען טעטיג מיט חסד צווישן די היינטיגע אידנטום איבער דער גארער וועלט.
אבני חסד • אגודת ישראל • בוני עולם • ביקור חולים ד'סאטמאר • ביקור חולים דראקלענד קאונטי • בת מלך • דור ישרים • דזשױנט • המספיק • וועד הרבנים • חברה הצלה • חוש • חברים • חסד (ארגאניזאציע) • חברה שומרים • יד שרה • כל ישראל חברים • משמחי לב • עי-טיים • עזר לחתנים • עזר לתלמיד • עזר למזון • פֿוטסטעפס • פחת תקווה • קופת העיר • קרן עזר • קרן חתנים • רב טוב • רפואה וישועה • שערי חמלה • שרשרת • תומכי שבת •