מסכתא

מסכתא (העברעיש: מסכת) איז א באנד אין א סדר פון די זעקס סדרים, וואס רופט זיך ששה סדרי משנה, אדער איינע פון די מסכתות קטנות וואס איז נישט אריין אין משניות.

• עס זענען פארהאן 63 מסכתות פון משניות.

• די משניות האט רבי יהודה הנשיא רעדאגירט.

עטימאלאגיע

ס'איז אנגענומען אז דער נאמען באדייט א בינטל פון ווייץ, נעמליך אז אין יעדע מסכת איז צאמגענומען איין געוויסע ענין ווי אין א בינטל.^{[פֿעלט אַ מקור]}

תלמוד

אויף רוב מסכתות איז פארהאן ביידע תלמודים, אויסער סדר זרעים וואו בבלי האט נאר ברכות, סדר קדשים וואס האט בכלל נישט קיין ירושלמי און טהרות וואו ס'איז נאר דא גמרא אויף נדה.

מדרשים

פארשידענע מדרשים זענען אויך געשריבן אין פארעם פון א מסכת:

• מסכת גיהנום
• מסכת גן עדן
• מסכת חיבוט הקבר