מאנסי טרעילס (ענגליש: Monsey Trails) איז  א אידישע בוס פירמע, וואס אפערירט בוס רייזעס צווישן ראקלענד קאונטי און ניו יארק סיטי, בעיקר מיט רייזעס פון און צו חסידיש באוואוינטע געגנטן, ווי פון מאנסי, שיכון סקווירא קיין בארא פארק און וויליאמסבורג.

די פירמע איז אריגינעל געגרינדעט געווארן איבער פערציג יאר צוריק, דורך דער לונגער פאמיליע, מיט איין אויטאבוס, אלס א טראנספארטאציע מיטל פאר סקווירער חסידים וועלכע האבן זיך געצויגן צו זייער נייע שטעטל שיכון סקווירא, זיי צו טראגן פון און צו דער שטאט.

מיט די יארן איז עס פארברייטערט געווארן אלס א גרויסע פירמע, מיט איבער זעכציג בוסן, און אכציג טעגליכע רייזעס.

אפטיילונגעןרעדאַקטירן

היינט פארמאגן זיי עטליכע אפטיילונגען, ווי מאנסי טורס (ענגליש: Monsey Tours) וועלכע געבט זיך אפ מיט לענגערע 'לאנג דיסטענס' בוס רייזעס

א רוטע צווישן לעיקוואוד און ברוקלין

א רוטע צווישן ניו יארק און באלטימאר

קריטיקרעדאַקטירן

אין לויף פון די יארן זענען זיי עטליכע מאל געקומען אונטער אטאקע און אויסגעשטאנען קריטיק פון פרייהייט גרופעס צוליב דעם וואס זיי פלעגן הענגען א מחיצה, וואס זאל אפטיילן צווישן די מענער און פרויען פאסאזשירן.

אין 1994 זענען זיי אנגעקלאגט געווארן דורך א פרוי מיט א דיסקרימינאציע קלאגע, נאכדעם וואס מען האט איר ארויסגעשיקט פון דער מענער אפטיילונג. די פירמע האט זיך שפעטער פארשטענדיגט מיט דער פרוי אינדרויסן פון געריכט.

דרויסנדיגע וועבלינקעןרעדאַקטירן