עפענען הויפטמעניו
רבי חנה האלבערשטאם, קאלאשיצער רב

רבי חנה האלבערשטאם הי"ד (ו' תמוז ה'תרמ"ד - י"ח תשרי ה'תש"ג) רב אין קאלאשיץ.

אפשטאםרעדאַקטירן

רבי חָנה איז געבוירן ו' תמוז ה'תרמ"ד, צו זיין פאטער הרב מנחם מענדל האלבערשטאם, רב אין פריסטיק, א זון פון הרב אריה לייביש האלבערשטאם, רב אין דוקלא, א זון פון הרב דוד האלבערשטאם רב אין קשאנאוו, א זון פון הרב חיים האלבערשטאם, דער דברי חיים. און צו זיין מוטער מרת פייגא ביילא א טאכטער פון הרב יחזקאל שרגא האלבערשטאם, דער שינאווער רב.

פאר רבי חנה איז געבוירן, איז זיין מוטער די פריסטיקער רביצין אריין צו איר פאטער דער שינאווער רב, וועלכער האט זיך געקליבן צו פארן קיין קרעניץ זיך אויסרוהען, זי האט געוויינט ביים זיידן ער זאל איר אנווינטשן אז זי זאל האבן א לייכטן געבורט און דאס קינד זאל בלייבן לעבן, (ווייל ביז דאן האבן זיך נישט געהאלטן ביי איר קיין קינדער ל"ע). דער פאטער האט איר געענטפערט, די טראגסט אין דיר א צדיק, האט זיך דער משב"ק רבי אנשיל אנגערופן מיט א ווערטל, א צדיקת, האט דער פאטער איבערגעזאגט, ניין, א צדיק.

רבנותרעדאַקטירן

רבי חנה איז יונגערהייט שוין געווען רב אין קאלאשיץ, ביי דעם ערשטן וועלט קריג איז ער אנטלאפן קיין קאשוי, דארט האט ער געוואוינט זיבן יאר. אין יאר ה'תרפ"ג איז ער צוריק געקומען קיין גאליציע און זיך באזעצט אין ריישא, דארט האט ער געפירט א ישיבה זרע קודש פאר יונגע בחורים.

רבי חנה איז געווען איינע פון די אנגעזעהנע רבי'ס אין זיין צייט, און ער איז געווען אן אויסגערופענער קעמפער קעגן דער ציוניסטישע באוועגונג. רבי חנה איז געווען א פייערדיגער שטיצער פון קופת רבי מאיר בעל הנס, דערפאר האט ער נישט צוגעלאזט די פושקעס פון ישיבת חכמי לובלין.

הסתלקותרעדאַקטירן

רבי חנה איז דערשאסן געווארן דעם צווייטן טאג חול המועד סוכות י"ח תשרי ה'תש"ג, הי"ד.

פאמיליערעדאַקטירן

רבי חנה האט געהייראט מרת פעסיל א טאכטער פון הרב משה האלבערשטאם, דער בארדיובער רב, א זון פון הרב ברוך האלבערשטאם, דער גארליצער רב. זייערע קינדער:

  • חיים יוסף האלבערשטאם הי"ד.
  • יחזקאל שרגא האלבערשטאם הי"ד.
  • מנחם מענדל האלבערשטאם הי"ד.
  • יקותיאל יהודה (זלמן ליב) האלבערשטאם הי"ד.
  • חנה רחל האלבערשטאם הי"ד.
  • שלום האלבערשטאם הי"ד.
  • הרב דוד לייביש האלבערשטאם, ער האט געהייראט מרת מיריש, א טאכטער פון זיין פעטער (זיין פאטער'ס ברידער) הרב אביגדור האלבערשטאם. זיי זענען אומגעקומן אויף קידוש השם ו' אייר ה'תש"ד, הי"ד.
  • הרב ברוך האלבערשטאם, ער האט געהייראט מרת שאשא א טאכטער פון הרב חיים ברוך רובין רב אין ווישניצא, א זון פון הרב נפתלי רובין, אן איידעם פון שינאווער רב. זיי זענען אומגעקומן אויף קידוש השם, הי"ד.
  • הרב שלום האלבערשטאם, ער האט געהייראט מרת רבקה א טאכטער פון זיין פעטער (זיין פאטער'ס ברידער) הרב חיים ברוך האלבערשטאם רב אין פריסטיק. זיי זענען אומגעקומן אויף קידוש השם, הי"ד.
  • הכלה שרה, זי איז אומגעקומן צוזאמען מיט איר פאמיליע אויף קידוש השם, הי"ד.
  • הכלה מרים ברכה, זי איז אומגעקומן צוזאמען מיט איר פאמיליע אויף קידוש השם, הי"ד.
  • החתן יקותיאל יהודה האלבערשטאם, ער איז אומגעקומן צוזאמען מיט זיין פאמיליע אויף קידוש השם, הי"ד.

זיינע ספריםרעדאַקטירן

  • קונטרס בין השמשות
  • קונטרס תורת המקוה
  • דברי חנה

רעפערענצןרעדאַקטירן

  • י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
  • אנציקלופדיה לחכמי גליציה, מאיר וונדר