ישראל שלום יוסף פרידמאן

רבי ישראל שלום יוסף פרידמאן זצ"ל (י"ג תשרי ה'תרט"ז - כ"ג ניסן ה'תרפ"ג), רבי אין באהוש.

אפשטאםרעדאַקטירן

רבי ישראל שלום יוסף איז געבוירן י"ג תשרי ה'תרט"ז, צו זיין פאטער הרב יצחק פרידמאן פון באהוש, א זון פון הרב שלום יוסף פרידמאן פון סאדיגורא, א זון פון הרב ישראל פרידמאן פון רוזשין, א זון פון הרב שלום שכנא, פון פראהבישטש, א זון פון הרב אברהם המלאך, דער חסד לאברהם, א זון פון הרב דוב בער, דער מעזריטשער מגיד. און צו זיין מוטער מרת שיינא רחל א טאכטער פון הרב דוד האגער פון זאבלאטאוו.

רבנותרעדאַקטירן

נאך זיין פאטער'ס פטירה אין יאר ה'תרנ"ז איז רבי ישראל שלום יוסף אויפגענומען געווארן אלס ממלא מקום פון פאטער רבי אין באהוש.

רבי ישראל שלום יוסף האט אריינגעלייגט אסאך האראוואניע אין דעם ערציאונג פון דעם יונגן דור, ער האט אויפגעשטעלט אין זיין הויף די ערשטע ישיבה גדולה אין ראמעניע, וועלכע האט ארויגעשטעלט די צוקונפטיגע גדולי התורה פון ראמעניע

הסתלקותרעדאַקטירן

רבי ישראל שלום יוסף איז נפטר געווארן אסרו חג פסח כ"ג ניסן ה'תרפ"ג, און ליגט אין באהוש.

פאמיליערעדאַקטירן

רבי ישראל שלום יוסף האט געהייראט מרת מלכה ( - ט' אדר א' ה'תרע"ג) א טאכטער פון הרב משה אברהם צוקערמאן פון ראשקאוו, אן אייניקל פון הרב שבתי פון ראשקאוו דער פארפאסער פון סידור רבי שבתי. זייערע קינדער:

  • מרת חוה לאה, די ווייב בזיווג ראשון פון הרב יעקב יוסף טווערסקי, א זון פון הרב מנחם נחום'טשע טווערסקי פון רחמיסטריווקא, זי איז נפטר געווארן יונגערהייט אָן קינדער.
  • די ווייב פון הרב גדליה אהרן ראבינאוויטש הי"ד ( - ג' מנחם אב ה'תרע"ט), פון מנוסטרישטש, נאך צוויי יאר האט זיי זיך צוטיילט און שפעטער גע'גט אָן קינדער.

זעט אויךרעדאַקטירן

רעפערענצןרעדאַקטירן

  • אנציקלופדיה לחכמי גליציה, מאיר וונדר
  • נר ישראל ח"ו בערכו (37)