רבי יצחק פון דראהאביטש זצ"ל (ה'תנ"ה - ז' ניסן ה'תק"י), מגיד אין דראהאביטש.

אפשטאם רעדאַקטירן

רבי יצחק איז געבוירן אין יאר ה'תנ"ה (אומגעפער) צו זיין פאטער רבי יוסף ספראוועדליווער, רב אין פיסטין, א זון פון רבי משה, רב אין זאווריש, און צו זיין מוטער מרת יענטא די נבואה.

רבי משה זאווריש איז געווען באקאנט אלס הייליגער מענטש, אינגאנצן אויסגעטון פון דער וועלט, און פלעגט פאסטן פון שבת צו שבת. די גויים ארום אים האבן שטארק געציטערט פון זיין גרויסקייט, וואס האט ארויסגערופן א שרעקליכע האס אויף אים, דערפאר האבן זיי אים אנגעקלאגט ביי דעם פריץ, אז רבי משה איז א שפיאן, דער פריץ האט אים געלאזט רופן ערב שבת און אים פאראורטיילט צום הארגענען מיט א מיתה משונה, און באפוילן מען זאל אין אים אריינשטעקן א האלצענעם באלקן און אדורך לעכערן זיין קערפער און צורייסן זיינע בני מעיים, רבי משה איז געווען אינגאנצן באהאפטן דבוק צום אייבערשטען און גארנישט געשפירט וואס מען טוט מיט אים, ביז זיין נשמה איז אויסגעגאנגן, הי"ד.
רבי יוסף ספראוועדליווער, ער האט פארדינט זיין צו-נאמען איבער זיין ערליכקייט און באגלייבטקייט. רבי יוסף האט פארברענגט לאנגע שטונדן ביים דאווענען, און נישט געוואלט האבן קיין פארגעניגן פון דער וועלט. דער בעל שם טוב האט זייער שטארק געוואלט זיך טרעפען מיט רבי יוסף, נאך זיין רביצין'ס פטירה האט רבי יוסף זיך געקליבן ארויף צו פארן קיין ארץ ישראל, איז ער אריין געפארן קיין מעזשביזש צום בעל שם טוב, און איז דארט פארבליבן א צייט, נאכהער איז ער ארויף געפארן קיין ארץ ישראל.
אויסער דעם זון רבי יצחק, האט רבי יוסף געהאט א טאכטער די ווייב פון רבי נחמן האראדענקער.

זיין געשיכטע רעדאַקטירן

אין אגרא דפרקא ווערט געברענגט, אז דער בעל שם טוב האט געזאגט פאר רבי מיכלי זלאטשאווער, אז זיין פאטער האט באקומען זייער א נידריגע נשמה און האט איר אויף געהויבן ביז צו דער הויכקייט פון דעם תנא רבי שמעון בר יוחאי.

רבי יצחק איז געווען פון די גרויסע מקובלים פון זיין צייט, ערשט ער האט געדינט אלס מגיד אין נאווי-פאליע, שפעטער האט ער זיך געצויגן קיין בראד, און זיך באהאפטן מיט די גרויסע לייבן פון בראדער קלויז.

פון בראד האט מען אים אויף גענומען אלס מגיד אין דראהאביטש, נאכהער אין אוסטראה און פון דארט איז ער געגאנגען קיין הארחאוו.

רבי יצחק איז פון אנפאנג געווען פון די גרויסע קעגנערס פון דרך פון בעל שם טוב, שפעטער איז ער אליין צוגעצויגן געווארן און זיך געפירט אויף דעם דרך.

הסתלקות רעדאַקטירן

רבי יצחק איז נפטר געווארן ז' ניסן ה'תק"י לקדוש ד מכבד לפ"ק. אנדערע גירסאות זאגן אז ער איז נפטר געווארן ה'תק"ד אדער ה'תקכ"ח (אלפסי).

זיין פאמיליע רעדאַקטירן

רבי יצחק האט געהייראט מרת מרים, אן אייניקל פון רבי מאיר פאפריש פון די תלמידי האר"י. זיי האבן איבערגעלאזט א זון מיט צוויי טעכטער:

  • מרת נעכא, די ווייב פון הרב אליעזר כתבן
תלמידים פון בעש"ט

אברהם פאדלוסקער · אברהם פון מעזשביזש · אברהם אבא פון דוביסאר · אברהם אבא פון לובלין · אברהם אבא פון קריבוש · אברהם גרשון פון קיטוב · אברהם שמשון פון ראשקאוו · אהרן פון מעזשביזש · אהרן משרת · אהרן הגדול פון קארלין · אהרן פון קיטוב · אליהו פון סאקאלובקי · אליעזר פון טאמאשפאלי · אלכסנדר סופר · אריה לייב פון שפאלע · בנימין פון זאלאשיץ · ברוך פון מעזשביזש · ברוך פון קאמינקא · גרשון פון פאווליץ · דוב בער פון זאסלאוו · דוב בער פון מעזריטש · דוד פון חאלאדאווקע · דוד פון ליניץ · דוד פון מיקאלייאוו · דוד פון קאלאמייע · דוד פון שאריגראד · דוד היילפרין פון אוסטראה · דוד לייקעס  · דוד מגיד פון טולטשין · דוד פירקוס · זאב פון אליק · זאב וואלף קיצעס · זעליג פון לאטושוב · חיים פון קראסנא · חיים מגיד פון ליניץ · יהודה ליב פון פולנאה · יואל פון פראטהור · יואל פון נעמיראוו · יודל פון טשודנוב · יונה פון אוסטראה · יונה פון פולוצק · יונה פון קאמינקא · יוסף פון דראהאביטש · יוסף פון זורניץ · יוסף פון קאמינקא · יוסף אשכנזי · יוסף יואל פון סטעפאן · יוסף יוזפא פון אוסטראה · יוסף משה פון מעזשביזש · יוסף מלמד פון חמעלניק · יוסף ספראוועדליווער פון פיסטין · יחיאל מיכל פון האראדנע · יחיאל מיכל פון זלאטשאוו · יעקב פון האניפאלי · יעקב פון מעזשביזש · יעקב יוסף פון אוסטראה · יעקב יוסף פון פולנאה · יעקב קאפל חסיד · יצחק פון דראהאביטש · יצחק פון מעזריטש · יצחק דוב מרגליות פון יאזלאוויץ · ישכר בער פון ליובאוויטש · ישכר פון קישינאוו · ישעיהו פון יאנאוו · ישראל חריף פון סאטינאוו · לייב שרה'ס · לייב קעסלער · ליפא פון חמעלניק · מאיר (הגדול) פון פרעמישלאן · מאיר מרגליות פון אוסטראה · מנחם מענדל פון באר · מנחם מענדל פון דוביסאר · מנחם מענדל פון וויטעבסק · מנחם מענדל פון פרעמישלאן · מנחם מענדל פון קאלאמייע · מנחם נחום טווערסקי פון טשערנאביל · מרדכי פון זאסלאוו · משה פון קיטוב · משה פון שאטנאווע · משה פון שדה חדש · משה קעדס · משה שהם פון דאלינא · משה חיים אפרים פון סדילקאוו · נחמן פון האראדענקע · נחמן פון קאסאוו · נטע פון אוורוטש · ניסן כ"ץ פון דווארט · פאלק פון טיטשלניק · פנחס שפירא פון קאריץ · צבי חסיד פון זלאטשאוו · צבי סופר · צבי הערש, זון פונעם בעל שם טוב · צבי הערש פון אוסטראה · צבי הערש פון קאמינקא · שמואל פון קאמינקא · שבתי פון ראשקאוו ·

רעפערענצען רעדאַקטירן

  1. רבי נחמן איז געווען א זון פון רבי ירוחם פישל פון סלוצק