יחיאל נתן האלבערשטאם

רבי יחיאל נתן האלבערשטאם זצ"ל (ה'תרכ"ה - ז' ניסן ה'תרצ"ד), רב אין בארדיאוו

אפשטאם

רבי יחיאל נתן איז געבוירן אין יאר ה'תרכ"ה, צו זיין פאטער הרב משה האלבערשטאם, רב אין בארדיאוו, א זון פון הרב ברוך האלבערשטאם, דער גארליצער רב, א זון פון הרב חיים האלבערשטאם, דער דברי חיים'. און צו זיין מוטער מרת רחל פייגא א טאכטער פון הרב אהרן האלבערשטאם, דער קרייזער רב, א זון פון דברי חיים.

רבנות

רבי יחיאל נתן האט נאך אריין געכאפט צו קענען זיין זיידען דעם צאנזער רב, און זיך איינזאפּען מיט זיין קדושה. אין יאר ה'תרמ"ה איז ער געווען רב אין אלט-צאנז, אין יאר ה'תרס"ד איז ער געווארן רב אין בארדיאוו אויף זיין פאטער'ס ארט.

הסתלקות

רבי יחיאל נתן איז נפטר געווארן, ז' ניסן ה'תרצ"ד, (אדער ה'תרצ"ג).

פאמיליע

רבי יחיאל נתן האט געהייראט מרת ברכה רעכל בריינדל א טאכטער פון הרב אריה לייביש האלבערשטאם, רב אין דוקלא, א זון פון זיין עלטער-פעטער הרב דוד האלבערשטאם, דער קשאנאווער רב. זייערע קינדער:

• הרב אביגדור צבי האלבערשטאם הי"ד (ה'תרמ"ד - ה'תש"ב (אומגעפער) ), ממלא מקום פון פאטער, רב אין בארדיאוו.

• הרב אפרים דוד האלבערשטאם הי"ד (ה'תרמ"ה (אומגעפער) - ה'תש"ב (אומגעפער) ), רב אין יאשליסק, ער האט געהייראט מרת חנה מרים א טאכטער פון הרב מנחם מענדל האלבערשטאם, רב אין פריסטיק.

• הרב יקותיאל יהודה האלבערשטאם הי"ד, רב אין גארליץ.

• הרב יעקב האלבערשטאם הי"ד, פון סטריזשעוו, ער האט געהייראט מרת רחל א טאכטער פון הרב אלטער זאב הורוויץ רב אין סטריזשעוו. זיי זענען אומגעקומן אויף קידוש השם צוזאמען מיט זייערע דריי קינדער, הי"ד.

• הרב יחזקאל שרגא האלבערשטאם רב אין טריבאשאוו, סלאוואקיי.

• הרב משה אהרן האלבערשטאם דיין אין סטראפקאוו, ער האט געהייראט מרת חנה רחל א טאכטער פון הרב מנחם מענדל האלבערשטאם, רב אין סטראפקאוו.

• מרת עכסה, די ווייב פון הרב חנה צבי הירש רובין (ה'תרמ"ד - ה'תש"ג), סאטמארער רבי אין צאנז. זיי האבן נישט געהאט קיין קינדער.

• מרת יוכבד, די ווייב פון הרב יקותיאל יהודה האלבערשטאם בארדיאווער רב פון ברוקלין.

• מרת אסתר, בזיווג ראשון די ווייב פון הרב חיים יוסף האלבערשטאם, א זון פון הרב יקותיאל יהודה האלבערשטאם, א זון פון בארדיאווער רב, בזיווג שני די ווייב פון הרב ישכר דוב ליפשיץ .

• מרת חיה די ווייב פון הרב ישראל משה סילמאן דיין אין בארדיאוו.

רעפערענצן

• י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• אנציקלופדיה לחכמי גליציה, מאיר וונדר