כאמאס
כאַמאַס (אראביש: حماس; ווערטלעך: "קנאות") איז א פּאַלעסטינער טעראר ארגאניזאציע וועמענס צוועק איז צו פארניכטען מדינת ישראל און אומברענגען איר אידישער באפעלקערונג און אויפשטעלן א פאלעסטינער רעגירונג אינעם שטח פון מדינת ישראל.
אין די לעצטע פאר יאר איז כאמאס באקאנט געווארן פארן זיין אנטווארטליך פאר די מערהייט פון ארגענעזירטע טעראר אטאקעס געצילט אקעגען ציווילע ישראלים און פאר נאכאנאנדע ראקעטן שיסערייען געצילט אויף ציווילע באוואוינטע געגענטער.
אוקטובער 7 2023 שחיטה רעדאַקטירן
אין אוקטובער 7 2023 (שבת שמחת תורה אין יידישער לוח) אן קיין שום אפאנסיוו פון מדינת ישראל, האט כאמאס ארויסגעשאסן א באראדז פון ראקעטן אין ריכטונג פון ציווילע געגענטער און די זעלבע צייט האבן כאמאס טעראריסטען (צוזאמען מיט פאלעסטינער דז'ורנאליסטען און בילדער כאפערס) אינוואדירט אויף טרעקלעך מאטארציקלעך שיפן און פאראגליידערס צו יישובים אין דרום ארץ ישראל און האבן אויסגע'שחט'ן אומשולדיגע זיידעס, באבעס, טאטעס, מאמעס, קינדער, און בעיביס און זייער בעטלעך א טייל האבן זיי לויט באריכטן פארברענט לעבעדיגערהייט מער פון א 1200 אומשולדיגע ציווילע ישראלים זענען אומגעברענגט געווארן, און זיי האבן אומגעברענגט און איבערגענומען מיליטערישער באזעס אין דרום א"י. און אויך האבן די טעראריסטען (צוזאמען מיט ציווילע פון עזה וואס האבן אויסגענוצט די געלעגנהייט) פארכאפט 236 אומשולדיגע ציווילע כולל - פארעלטערטע מענטשן טאטעס און מאמעס, קינדער און בעיביס.
"כאמאס" איז באצייכנט געווארן ווי א טעראר ארגאניזאציע דורך ישראל, די פאראייניקטע שטאטן פון אמעריקע און דעם אייראפעישן פארבאנד.
פאליטיש רעדאַקטירן
אין יאנואר 2006, האט זי געוווּנען ביי די וואלן קעגן פאַטאַח.
כאַמאַסטאַן רעדאַקטירן
אין מאנאט יוני 2007 האט אויסגעבראכן א גרויסע מלחמה צווישן די כאמאס מיט די פאטאך, וואס האט צוגעבריינגט א מיליטערישער איבערקערעניש, און במשך די צייט האבן די כאמאס באוויזן צו פארכאפטן די מאכט אין עזה און דאס דערקלערן אין זייער פולשטענדיגן הערשאפט.
דער שטח ווערט יעצט גערופן דורך אסאך לענדער כאמאסטאן. דאס ווארט "כאמאסטאן" האט ביבי נתניהו ערפינדן, און די מערב וועלט פרעסע האט זיך צוגעכאפט צו דעם נאמען און זיי רופן עס אזוי אן.
אלס נקמה האט די פאטאך גרופע פארשטערקערט זייער מאכט אין די מערב ברעג און אויפגעזאגט דעם פאראלאמענט פירער איסאמעל האנייע.
צוליב שרעק פון נקמה האבן אסאך כאמאסניקעס אפגעשניטן די בערד מען זאל זיי נישט דערקענען און דערפאר טשעפען.