באיאן (הויף)

באיאן איז א חסידות געגרינדעט אין דער שטאט באיאן, אוקראינע, וואס שטאמט פֿון דעם הייליגן רוזשינער רבי'ן.

דער ערשטער באיאנער רבי איז געווען רבי יצחק פֿרידמאן (תר"י - תרע"ה) פֿון באיאן, בוקאווינע, דער „פחד יצחק" פֿון באיאן. זײַן פֿאטער איז געווען רבי אברהם יעקב פֿרידמאן פֿון סאדיגורא, א זון פֿון רבי ישראל פֿון רוזשין, וואס האט געגרינדעט דאס שושלת רוזשין.

נאך דער פטירה פֿונעם פחד יצחק האבן זײַנע פֿיר זין אנגעהויבן צו פֿירן רעביסטעוועס.

דער עלצטער זון, הר"ר מנחם נחום, איז געווארן רבי אין טשערנאוויץ.
דער צווייטער זון, הר"ר ישראל (תרל"ח - תשנ"א), איז געווארן רבי אין לייפציג, דייטשלאנד. אין תרצ"ט איז ער אריבער קיין תל אביב.
דער דריטער זון, הר"ר אברהם יעקב (תרמ"ד - תש"ב), איז געווארן רבי אין לעמבערג. די נאציס האבן אים געהרגעט.
דער יינגסטער זון, הרה"צ מרדכי שלמה פֿרידמאן, האט זיך געצויגן קיין אמעריקא וווּ ער האט ממשיך געווען די דינאסטיע. נאך זײַן פטירה אין תשל"א איז זײַן אייניקל (זײַן טאכטער'ס א זון) הרה"צ נחום דוב ברייער געווארן באיאנער רבי.

דער באיאנער הויף געפֿינט זיך הײַנט צוטאגס אין ירושלים ארץ ישראל מיט מוסדות איבער דער וועלט.