אברהם חיים הורוויץ (לינסק) (א)

רבי אברהם חיים הורוויץ זצ"ל (דער ערשטער) (ה'תקמ"ב - כ"ה מנחם אב ה'תקצ"א), רב אין לינסק.

אפשטאםרעדאַקטירן

רבי אברהם חיים איז געבוירן אין יאר ה'תקמ"ב, צו זיין פאטער הרב נפתלי צבי הורוויץ, "דער ראפשיצער רב", א זון פון הרב מנחם מענדל ראַבין, רב אין לינסק באקאנט אלס "רבי מענדעלע לינסקער". און צו זיין מוטער מרת רבקה א טאכטער פון הנגיד הרב צבי הירש גאלדהאמער פון דוקלא.

רבנותרעדאַקטירן

אין יאר ה'תקע"ח נאך ביים פאטער'ס לעבען איז רבי אברהם חיים שוין געווארן רב אין לינסק, אין יאר ה'תקפ"ז נאך די פטירה פון זיין פאטער, איז רבי אברהם חיים געווארן רבי אין לינסק אויף זיין פאטער'ס ארט.

הסתלקותרעדאַקטירן

רבי אברהם חיים איז נפטר כ"ה מנחם אב ה'תקצ"א. דער שר שלום פון בעלזא האט געזאגט אז ווער ס'גייט צו זיין ציון איז "קרובה ישועה לבוא".

פאמיליערעדאַקטירן

רבי אברהם חיים האט געהייראט א טאכטער פון זיין פעטער (זיין פאטער'ס ברידער) הרב שמואל שמעלקא הורוויץ, רב אין ראמאן און באר אין בוקאווינע, באקאנט אלס רבי שמעלקא בארער, (אן איידעם פון הרב חיים טירער, רב אין טשערנאוויץ, דער באר מים חיים), א זון פון הרב מנחם מענדל ראַבין, רב אין לינסק. זייערע קינדער:

  • די ווייב פון הרב משה חיים אפרים, רב אין באליגראד, א אייניקל פון דגל מחנה אפרים.
  • מרת רויזא, די ווייב פון הרב מנחם מענדל וויינפעלד, פון גארליץ.

רעפערענצןרעדאַקטירן

  • זרעא קדישא
  • אנציקלופדיה לחכמי גליציה, מאיר וונדר
  1. זרעא קדישא פרק ד' אות מח שרייבט אז זי האט געהאט נאך צוויי נעמען