שלום כהן
הרב שלום כהן (גערופן חכם שלום; י"ב חשוון ה'תרצ"א, 3טן נאוועמבער 1930 – כ"ה אב ה'תשפ"ב, 22סטן אויגוסט 2022) איז געווען א ספרדי'שער גדול, ראש ישיבה פון ישיבת פורת יוסף, און נשיא פון מועצת חכמי התורה.
.jpg) | |
| געבורט |
3 נאוועמבער 1930 ירושלים, בריטישער מאנדאט  |
|---|---|
| טויט |
22 אויגוסט 2022 (אלט 91) הדסה עין כרם שפיטאל, ישראל |
| מדינה |
 ישראל |
| באלאנג |
ספרדישע חרדים |
| זיינע רביס |
אפרים כהן, עזרא עטייה |
| פאטער |
אפרים כהן |
| חתימה |
 |
  | |
ביאגראפיע
רעדאַקטירןדער רב איז געבוירן אין ירושלים אין יאר תרצ"א, צו זיין טאטע רבי אפרים כהן, ראש ישיבת המקובלים.
אלס בחור האט ער געלערנט אין ישיבת פורת יוסף ביי זיין ראש ישיבה רבי עזרא עטייה זצ"ל פון די מנהיגי עדת הספרדים.
נאך זיין חתונה איז ער געווארן א מגיד שיעור אין ישיבת פורת יוסף און געעפנט נאך אן אפטיילונג אין דעם קאטאמאן געגנט אין ירושלים.
ער האט געהאט א נאנטן קשר מיט מרן עובדיה יוסף, און ווען ער איז אוועק פון דער וועלט האט מען אים אויפגענומען אלס נשיא פון מועצת חכמי התורה.
די לעצטע פאר חדשים פון זיין לעבן איז דער רב געווען נישט געזונט און ער האט אפט געוויילט אין שפיטאל. אין די לעצטערע טעג האט מען אים צוגעגעבן דעם נאמען חיים אלס סגולה לרפואה.
כ"ה אב ה'תשפ"ב, איז ער נפטר געווארן אינעם הדסה שפיטאל, אין עלטער פון 91 יאר.
משפחה
רעדאַקטירןער האט חתונה געהאט מיט יעל, טאכטער פון רבי מנצור בן שמעון פון ישיבה פורת יוסף. זיי האבן געוואוינט אינעם אידישן קווארטאל אין א דירה וואס געהערט צו דער ישיבה פורת יוסף, מכוח זיין שטעלע ווי ראש ישיבה.
זיין פעטער איז נעים זילכא, וועלכער איז געווען דער פרעזידענט פונעם דיסטריקט געריכט אין באגדאד.
ר' שלום כהן און יעל האבן געהאט דריי זין און פינף טעכטער, אריינגערעכנט:
- רבי אפרים כהן, רב אין ישיבת יקירי ירושלים.
- רבי יעקב כהן, ראש ישיבה פון 'נזר התלמוד' אין ביתר עילית, איידעם פון רבי יהודה כהן, משפיע אין דער ש"ס פארטיי.
- רבי שמעון כהן, ראש ישיבה אין בת ים, אין די מוסדות פון זיין איידעם רבי יעקב עטיה, איז נאך זיין פאטערס פטירה באשטימט געווארן אלס ראש ישיבה פורת יוסף.
- זיין איידעם הרב יעקב כהן, געוועזענער משגיח אין דער ישיבה קטנה קול יעקב.