עמי (מאגאזין)

עמי (העברעיִש: עמי,מיין פֿאלק; ענגליש: Ami) איז א אידישער מאגאזין אויף דער ענגלישער שפראך, וואס ערשיינט וועכנטליך.

עמי

amimagazine.org

לאגא

דער מאגאזין באשטייט פון דריי ביילאגעס; די הויפט ביילאגע; א פרויען אפטיילונג, וואס איז גאר פאפולער און פארמאגט ארטיקלען, אינטערוויוס און רעצעפטן; א קינדער און צענערלינג ביילאגע, מיט אינהאלט צוגעפאסט פאר זייער יארגענג.

דער מאגאזין איז געעפנט געווארן אין 2010 דורך א מאן און ווייב, יצחק און רחל פראנקפורטער פון בארא פארק, ביידע געוועזענע שרייבער פאר משפחה מאגאזין.

שרייבער

אברהם יעקב טערקלטויב, באקאנט מיט זיין צונאמען "טורקס", איז א אפיציעלער קארעספאנדענט צום ווייסן הויז. ער איז געווארן גאר בארימט מיט עטליכע יאר צוריק ווען פרעזידענט טראמפ האט זיך צושריגן אויף אים ביי א פרעסע קאנפערענץ ער זאל זיך אראפזעצן, נאכ'ן פרעגן א שאלה איבער אנטיסעמיטיזם.

שלמה זאיאנץ, א חסידישער אינגערמאן וועלכער שרייבט בעיקר פון זיינע רייזעס צו פארשטופטע לענדער.

דזשאן לאפטוס, אן אמעריקאנער שרייבער, וועלכער איז א געוועזענער ארמיי אינטעליגענץ אפיציר און א פראקוראר. ער שרייבט א וועכנטליכן רובריק, וואו ער גלייכט צו שרייבן איבער שפיאנאזש, מיליטער און קאנספיראציעס.

אייזיק הארוויץ, א שרייבער וועלכער שרייבט אויך פאר די העברעאישע בקהילה מאגאזין

ר' שת טויב, א רב, א שרייבער און טעראפיסט וועלכער ענטפערט פראגעס וואס ליינער שיקן אריין.

באשרייבונגען

כמעט יעדן יום טוב אין זייער פארגרעסערטע אויסגאבעס לייגן זיי אריין באשרייבונגען פון באזוך וואס זייערע שרייבער האבן אפגעהאלטן, ספעציעל פון פלעצער וואו היימישע אידן באזוכן זעלטן, א שטייגער ווי צפון קארעע, אפגאניסטן, לבנון, איראק, סאודיע אראביע, קובא און טשערנאביל.

קאנטראווערסיע

אין וויליאמסבורג האבן די סיקריקים אנגעפירט א קאמפיין צו בויקאטירן דעם מאגאזין פון די געשעפטן, און טאקע גאר אסאך געשעפטן האבן זיך געבראכן צו דער טעראר און פארקויפן עס נישט.

וועבלינקען

זייער וועבזייטל - https://www.amimagazine.org/

קאווע שטיבל - http://www.kaveshtiebel.com/viewtopic.php?f=42&t=2533&sid=27b38c07a64adad06719f723c25faa97

אידישע וועלט - http://www.ivelt.com/forum/viewtopic.php?f=91&t=22496