מרדכי ראטנבערג
הרב מרדכי ראטנבערג (ה'תרל"ב - ה'תש"ד) איז געווען דער אב"ד פון דער מחזיקי הדת קהילה אין אנטווערפן פון תרע"ב ביז ער איז אומגעקומען אין חורבן אייראפע אין תש"ד.
| ||
| געבורט |
10 אפריל 1872 ה'תרל"ב קראקע, עסטרייך אונגארישע אימפעריע  | |
|---|---|---|
| טויט |
מאי 1944 (אלט 72) ה'תש"ד אוישוויץ, נאצי דייטשלאנד | |
| מדינה |
בעלגיע | |
| טעטיקייט ארט | אנטווערפן | |
| צאצאים |
הרב חיים יעקב ראטנבערג, רב אין פאריז רעכא שטערנבוך | |
  | ||
מרדכי ראטנבערג איז געבוירן געווארן אין תרל"ב אין קראקע, גאליציע, דער בכור פון הרב נפתלי ראטנבערג און זיין ווייב אסתר שפרה. ער האט געלערנט אין דער ישיבה אין ווישניצא ביי הרב שלמה האלבערשטאם, וואס איז שפעטער געווארן באבאווער רבי אין אמעריקע. דערנאך האט ער געלערנט אין קליינווארדיין ביים ערוגת הבושם, אין סיגעט אונטערן קדושת יום טוב און אין צעהלעם, וואו הרב דוד פרידמאן האט אים גענומען פאר אן איידעם און אים באשטימט אלס דיין.
אין תרנ"ה האט די קהילה אין אשפעצין אים געוויילט פאר שטאטס רב, אבער ער האט מוותר געווען אויפן רבנות לטובת דעם צווייטן קאנדידאט.
אין תרס"ה האט מען אים באשטימט שטאטס-רב פון וואדאוויץ אין מערב גאליציע.
אין תרע"ב האט די מחזיקי הדת קהילה פון אנטווערפן אים באשטימט ראש בית דין. נאך דער פטירה אין תרע"ז פונעם רב, הרב נח צבי אולמאן, האט מען אים אויפגענומען ווי רב פון דער קהילה.
ער האט איבערגעלאזט א זון הרב חיים יעקב ראטנבערג, ראב"ד פון מחזיקי הדת אנטווערפן און אב"ד פאריז.