מרדכי בן דוד

מרדכי ווערדיגער (געב׳ י' ניסן ה'תשי"א) אדער רבי מרדכי בן דוד איז א לאנגיאריגער פאפולערע זינגער וואס ווערט אנגערופן מיטן טיטל אלס דער קעניג פון דער אידישער מוזיק פונעם היינטיגן דור, און ער האט שוין ארויסגעגעבן איבער 40 אלבאמען, וועלכע זענען ברייט באקאנט איבער דער וועלט, און ער האט שוין דורכאויס זיין קאריערע אויפגעטרעטן ביי די גרעסטע אידישע קאנצערטן.

מרדכי בן דוד

געבורט	16 אפריל 1951 (אלט 73) ברוקלין, פאראייניקטע שטאטן פון אמעריקע
מדינה	פאראייניקטע שטאטן פון אמעריקע, ישראל
פאך	זינגער
mbdmusic.co

ביאגראפיע

ער איז געבוירן י' ניסן ה'תשי"א צו זיין טאטע דער לעגענדארער חזן אלטער דוד יצחק ווערדיגער.

ער האט אנגעהויבן זיין קאריערע אין די פריערע תש"ל יארן, ווען עס איז נאך כמעט נישט געווען קיין חרדישע זינגער און מוזיקאנטן, בלויז ממש געציילטע ווי בנציון שענקער און שלמה קארילבאך.

ער האט זיך דאן א נאמען געגעבן 'מרדכי בן דוד'' וויבאלד מענטשן זאלן פארשטיין אז ער איז א זון פון זיין טאטע וועלכע איז שוין דאן געווען א בארימטער חזן.

דורכאויס זיין רייכער קאריערע האט מרדכי בן דוד געארבעט מיט די גרעסטע אידישע קאמפאזיטארן ווי יאסי גרין, ברוך חיות, און עיבי ראטנבערג, און נאך. זיינע אלבאמען זענען אראנזשירט געווארן דורך די ריזן פון אידישע מוזיק, ווי מאנא ראזנבלום, ישראל לאם, משה לויפער, סוקי בערי, און נאך פילע, און דאס האט געמאכט זיינע אלבאמען פאר א חידוש אין יענער צייט.

ער וואוינט אין סי געיט, ברוקלין, און איז באקאנט איבעראל אין דער חסידישער וועלט פון די גרעסטע זינגערס מיט זייער א שיינעם, הארציגן קול, זיין גרעסטע מעלה איז דאס וואס ער קען זינגען מיט הארץ און נשמה אויף א וועג וואס באנעמט אלע צוהערער.

ער איז געווען א גרויסער אנהענגער פונעם ריבניצער רבין רבי חיים זאנוויל אבראמאוויטש. ער האט אים מהנה געווען און אויסגעהאלטן זיין שטוב, אין די לעצטע יארן פלעגט ער א סך זינגען פאר אים, נאך זיין פטירה האט ער ארויסגעגעבן א ניגון 'אוי רבי' וואו ער זינגט מיט בענקשאפט צו זיין גרויסן רבי׳ן, און ער ברענגט דארט א תנועה פונעם ריבניצער וועלכע איז געווארן גאר פארשפרייט און פאפולער איבער דער וועלט.

היינט איז ער א חסיד פונעם ברעסלאווער מנהיג, הרב יצחק מאיר מארגנשטערן פון ארץ ישראל.

זיינע אלבוימען

• מרדכי בן דוד ורדיגר שר
• הנני
• משיח במהרה יבוא
• אוהבי השם
• איך האב געווארט (אידיש) (דער אלבאם איז איבערגעזונגען פון ר' יום טוב עהרליך, מיט זעלבסט אייגענעם געשמאק).
• חיים בירושלים
• וביום השבת
• וכל החיים
• ובאו האובדים
• כולנו יחד
• מעגל השנה
• הנני
• וכל מאמינים
• נשמה
• Let my People Go (ענגליש)
• סימן טוב
• אני מאמין
• זכרונות
• רק שבת אחת
• ירושלים לא למכירה (Yerushalayim Is not for sale)
• מהרה יבנה המקדש
• האלבום הכפול
• משיח
• תמיד בשמחה
• אין עוד מלבדו
• ניגוני בית אבא
• לולא תורתך
• מאמינים בני מאמינים
• קומזיץ
• עד מתי (3 לידער)
• אפשר לתקן (תשס"ו)
• דאס אידיש זאמלונג" (The Yiddish Collection)
• יידן קומט אהיים
• כיסופים (אינאיינעם מיט שירה כאור)
• צעקה
• השפעות (ניגוני ר' משה יחזקי' ווייס)

וועבלינק

ווידעא קליפ ווי ער בעט זיך מען זאל נישט קאפירן קיין ניגונים נאר צאלן געלט דערפאר (ארכיווירט 10.03.2007 ביי דער Wayback Machine)