כינוס כלל ישראל
כינוס כלל ישראל איז געווען א ראללי פון טויזנטער אידן פארגעקומען ערב ראש חודש סיון תשע"ב אין דער סיטי פיעלד (ענ') און ארטור עש (ענ') סטאדיומען אין קווינס, ניו יארק זיך מחזק צו זיין און הערן דעת תורה איבער טעכנאלאגיע און אינטערנעט באניץ, אפצורעדן פון זיך באניצן מיט זיי און צו ארויסהייבן דאס באניץ פון פילטערס ווען מען באנוצט זיך יא מיטן אינטערנעט. עס ווערט געשאצט אז ביים כינוס האבן זיך באטייליגט איבער 60,000 מענטשן.
הינטערגרונט
רעדאַקטירןדער כינוס איז פאררופן געווארן דורך דעם סקולענער רבי און המשגיח הרב מתתי' סאלאמאן, און איז ארגאניזירט דורך נחמי' גאטליעב יו"ר TAG.
מהר"א מסאטמאר האט זיך נישט באטייליגט און נישט געלאזט זיינע חסידים גיין צום כינוס, וויבאלד מ'האב גערעדט ענגליש און עס איז געווען דארט קהילות וואס האבן נישט איינשטימיגע מיינונגען מיט סאטמאר.
אויך איז חב"ד נישט ערלויבט געווארן זיך צו באטייליגן דורך די ליטווישע קרייזן.
דער מעמד
רעדאַקטירןדי רעדנער זענען געווען ר' יחיאל מאיר כ"ץ, דער זשיבויער רב פון מאנטריאל, הרב אפרים וואקסמאן, המשגיח ר' דן סגל, ר' מתתי' סאלאמאן און סקולענער רבי זצ"ל.
אויך איז געליפטערט געווארן א רעקארדירונג פון פונעם פוסק, רבי שמואל וואזנער, דער בעל שבט הלוי, אין וואס ער האט אוועקגעשטעלט די תקנה אז אינטערנעט אן פילטער איז אסור בתכלית.
קבלת עול מלכות שמים דורך הרה"ק מוויזשניץ און הגה"ק מפשעווארסק פון אנטווערפן.
נאכ'ן מעמד איז פראקלאמירט געווארן די גרינדונג פון דער TAG ארגאניזאציע, וואס האט געזאלט אנפירן די פעולות פאר כשר'ע טעכנאלאגיע ביים היימישן ציבור.
כינוס פאר פרויען
רעדאַקטירןצען יאר נאכן גרויסן כינוס כלל ישראל, אין כ"ב-כ"ג סיון תשפ"ב איז פארגעקומען נאך צוויי כינוסים אויף דעם נושא, דאסמאל פאר פרויען, אין פרודענטשל סענטער אין נוארק, ניו זשערזי, איינס פאר די מער פרומערע אידיש רעדנדע און די צווייטע, גערופן "נקדש", פאר ענגליש רעדנדע. ביי איטליכע האבן זיך באטייליגט 20,000 פרויען.
ביים אידישן כינוס האבן גערעדט הרב אפרים וואקסמאן, וויענע רב און הרב אהרן טויסיג.