רבי יחיאל הורוויץ זצ"ל (ה'תר"י - י' שבט ה'תרפ"ח), רב אין פאקשיווניץ, פוילן.

אפשטאםרעדאַקטירן

רבי יחיאל איז געבוירן אין יאר ה'תר"י צו זיין פאטער הרב מאיר הורוויץ פון דזשיקאוו, דער אמרי נועם, א זון פון הרב אליעזר הורוויץ, באקאנט אלס רבי אליעזר'ל דזשיקאווער, א זון פון הרב נפתלי צבי הורוויץ, דער ראפשיצער רב. און צו זיין מוטער מרת דבורה די טאכטער פון הנגיד הרב קלמן פיעצלעס פון קראקא.

רבנותרעדאַקטירן

אין יאר תר"ם (אומגעפער) איז רבי יחיאל געווארן רב אין פאקשיווניץ, אין יאר ה'תרנ"ב (אומגעפער) האט מען פארטריבן אלע פרעמדע בירגער פון קאנגרעס פוילן, איז רבי יחיאל געווען געצווינגען צוריק צוקומען קיין גאליציע, און האט זיך באזעצט אין טארנא.

הסתלקותרעדאַקטירן

רבי יחיאל איז נפטר געווארן י' שבט (אדער י"ד שבט) ה'תרפ"ח, און ליגט אין דזשיקאוו אין דזשיקאווער אהל.

פאמיליערעדאַקטירן

רבי יחיאל האט געהייראט מרת מרים די טאכטער פון הרב דוד האלבערשטאם, דער קשאנאווער רב. זייערע קינדער:

  • הרב אלטער הורוויץ, ממלא מקום פון ברודער, דער לעצטער רב אין פאקשיווניץ, ער איז אומגעקומען אויף קידוש השם, הי"ד.
  • מרת דבורה לאה, בזיווג ראשון די ווייב פון הרב שלמה הורוויץ א זון פון הרב אברהם חיים הורוויץ רב אין פלאנטש. בזיווג שני די ווייב בזיווג שני פון הרב ישראל שלום יוסף האגער פון אטיניע.

רעפערענצןרעדאַקטירן

  • י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
  • אנציקלופדיה לחכמי גליציה, מאיר וונדר