שיקע דריז
|
דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
יהושע דריז, באקאנט ווי שיקע דריז (רוסיש: Овсей Дриз; 29סטן מערץ 1908 - 27סטן פעברואר 1971), איז געווען אַ ייִדישער דיכטער און קאמפאזיטאר.
| ||
| געבורט |
16 מאי 1908 (יוליאניש) אוקראינע  | |
|---|---|---|
| טויט |
27 פעברואר 1971 (אלט 62) מאסקווע, סאוועטן פארבאנד | |
| מדינה |
סאוועטן פארבאנד | |
  | ||
ער איז געבוירן געוואָרן 1908 אינעם שטעטל קראַסנע, ניט ווײַט פון דער שטאָט וויניצע, רוסלענדישע אימפּעריע (היינט אוקראַיִנע). ער האָט זיך געלערנט אין קיִעווער קינסטלערישער שולע. זינט 1934 ביז 1947 האָט שיקע דריז געדינט אינעם סאָוועטישן גרענעץ-מיליטער, אָנטיילגענומען אין דער צווייטער וועלט-מלחמה. דעביוטירט אַלס דיכטער אויף די שפּאַלטן פון יידישע פּעריאָדישע אויסגאַבעס אין סוף 20ער יאָרן פונעם פאָריקן יאָרהונדערט. זײַנע פאַר-מלחמהדיקע לידער-זאַמלונגען – "ליכטיקע וואָר" (1930) און "שטאָלענער כוח" (1934) זײַנען פול געווען מיט ראָמאַנטיק פונעם בויען די סאָציִאַליסטישע געזעלשאַפט. דער ייִדן-חורבן בעת דער צווייטער וועלט-מלחמה און די אַנטי-סעמיטישע רדיפות פונעם סוף סטאַלינס הערשונג האָבן געמאַכט אַן איבערקער אין דעם דיכטערס וועלט-באַנעם. נאַציִאָנאַלע ייִדישע מאָטיוון האָבן פאַרנומען אַ וויכטיק אָרט אין זײַן נאָך-מלחמהדיקער שאַפונג. אַזאַ איז געווען זײַן דריטע לידער-זאַמלונג "די פערטע סטרונע" (1969). אייצײַטיק האָט שיקע דריז געשריבן אַ סך לידער פאַר קינדער. איבערגעזעצטע אין רוסיש און אין אוקראַיִניש האָבן זיי אים געבראַכט אַ שם פון איינעם פון די פּאָפּולערסטע סאָוועטישע דיכטער פאַר קינדער.
שיקע דריז איז געשטאָרבן אין מאָסקווע אין 1971. זײַן פערטע לידער-זאַמלונג "האַרבסט" איז דערשינען שוין נאָך זײַן טויט, אין 1978.
וועבלינקען
רעדאַקטירן- שיקע דריז זינגט אויס זיין ליד "ווען איך זאָל זיין דער גאָר⸗גאָר⸗גאָר" (ארכיווירט 05.03.2016 ביי דער Wayback Machine)
- א ליד פון שיקע דריז אין דער אויספירונג פון לייבו לעווין
- דוב-בער קערלערס ארטיקל וועגן שיקע דריזן (אויף ענגליש) - http://www.yivoencyclopedia.org/article.aspx/Driz_Shike
- וואַלערי דימשיץ, "אָדער-אָדער... צום הונדערטסטן יאָרטאָג פון שיקע דריז" (אויף רוסיש) - http://www.narodknigi.ru/journals/73/ili_ili_k_stoletiyu_ovseya_driza1/
- וועלוול טשערנין, "וועגן דערוואַקסענע לידער פון אַ קינדער-דיכטער" (אויף רוסיש) - http://www.lechaim.ru/ARHIV/197/chernin2.htm
 | דער ביאגראפישער ארטיקל וועגן א ייד איז א שטומף. דאס הייסט עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |