רפאל שלמה לאניאדא

הרב רפאל שלמה לאַניאַדא (ה'תרל"ו – ה'תרפ"ה) איז געווען א מקובל,  דער ערשטער ראש ישיבה פון  די פורת יוסף און "אוהל מועד" ישיבות, און א מיטגליד פון דער וועד פון  דער ספרדישער געמיינדער ירושלים.

רפאל שלמה לאניאדא

געבורט	1876 ארם צובא, אטאמאנישע אימפעריע
טויט	9 פעברואר 1925 (אלט 49 בערך) ט"ו שבט ה'תרפ"ה ירושלים, בריטישער מאנדאט
קבורה ארט	הר הזיתים
אמטן	ראש ישיבה

ביאגראפיע

ער איז געבוירן געווארן אין יאר ה'תרל"ו (1876) אין חאלאב, סיריע, צו רב מאיר לאניאדא, פון א באוואוסטער רבנישער משפחה. אין זיין יוגנט האט ער געלערנט ביי הרב יוסף ידיד הלוי און  הרב עזרא חמווי. ער האט געהייראט זינבול טאכטער פון הרב אברהם עבאדי. צוזאמען מיט אליהו יוסף שמאע און הרב מאיר נחמד האט ער געגרינדעט די חברה "צדקה ומרפא" אין חאלאב, וואס האט אויפגעשטעלט אין דער שטאט א שפיטאל און וואס איר ציל איז געווען צו פארזארגן שטיץ צו קראנקע און ארעמעלייט.

אין יאר ה'תר"ס (1900) איז ער ארויף אין ארץ ישראל און האט זיך באזעצט אין ירושלים. אין יענער תקופה האט ער אנגעהויבן לערנען מיט תלמידים אין דער תלמוד תורה פון די בוכארן אין ירושלים. נאך דער גרינדונג פון דער "אוהל מועד" ישיבה אין ירושלים אין יאר ה'תרס"ז, האט מען אים באשטימט צו ווערן ראש ישיבה, ביז יאר ה'תרע"ד, ווען מען האט פארמאכט די ישיבה צוליב דעם שווערן עקאנאמישן מצב ביים אויסברוך פון דער  ערשטער וועלט-מלחמה.

ווען די פורת יוסף ישיבה האט געעפנט, איז ער געווארן דארט ראש ישיבה פון אייר ה'תרפ"ג, און די געוועזענע תלמידים און ר״מים פון דער "אוהל מועד" זענען אריבערגעגאנגען מיט אים.

ער איז נפטר געווארן ט"ו שבט ה'תרפ"ה (9טן פעברואר 1925) נאך א קראנקייט, און מען האט אים באערדיגט אין הר הזיתים אין ירושלים.

זיינע תלמידים

• הרב אברהם הררי ראפול
• הרב דוד ציון לאניאדא
• הרב יעקב עדס
• הרב עזרא עטייה
• הרב עזרא חוצני
• הרב יוסף אזולאי
• הרב עזרא עדס
• הרב משה יוסף עדס
• הרב עזרא שרים
• הרב נתן סאלם
• הרב אהרון הררי ראפול
• הרב דוד הררי ראפול

פֿריערדיגער: ערשטער

ראש ישיבה פון פורת יוסף תרפ"ג - תרפ"ה

נאָכפֿאלגער: הרב עזרא עטייה