רבי יעקב הורוויץ זצ"ל (ה'תר"ן - מוצאי יום כפור ה'תש"ג), ראש בית דין אין לינסק.

אפשטאם רעדאַקטירן

רבי יעקב איז געבוירן אין יאר ה'תר"ן (אומגעפער), צו זיין פאטער הרב מאיר הורוויץ רב אין לינסק, א זון פון הרב אברהם חיים הורוויץ (דער צווייטער), רב אין לינסק, א זון פון הרב מנחם מענדל הורוויץ, רב אין לינסק, א זון פון הרב אברהם חיים הורוויץ, רב אין לינסק, א זון פון הרב נפתלי צבי הורוויץ, דער ראפשיצער רב. און צו זיין מוטער מרת הינדא רחמה א טאכטער פון הרב נפתלי צבי פרנס, פון צאנז, אן אייניקל פון מגלה עמוקות.

רבנות רעדאַקטירן

רבי יעקב האט נאך אריינגעכאפט צו קענען די צדיקים פון פריערדיגען דור, אויף די עלטער האט ער זיך בארימט "כ'האב נאך זוכה געווען צו זעהן דעם גארליצער רב זאגן לא-ל אשר שבת, און צוויי שנירליך טרערן האבן זיך גיגאסען פון די אויגן".

נאך זיין חתונה האט רבי יעקב געגעסן קעסט ביי זיין שוויגער (זיין שווער האט שוין נישט געלעבט) אין א יאוואראוו, פון דארט האט ער זיך אנגעהויבן צו דרייען ביים בעלזער רב רבי ישכר דוב רוקח.


הסתלקות רעדאַקטירן

רבי יעקב איז דערשאסן געווארן אין זעסלאוו מוצאי יום כפור ה'תש"ג, הי"ד.

פאמיליע רעדאַקטירן

רבי יעקב האט געהייראט מרת אידל א טאכטער פון הרב אלימלך רובין, באקאנט אלס רבי מיילך יאווארעווער. זייערע קינדער:

  • הרב אלימלך הורוויץ (א' ר"ח אלול ה'תרע"א - י"א מנחם אב ה'תש"ן), יארטשאווער רבי אין אמעריקא.
  • הבחור אברהם חיים הורוויץ הי"ד.
  • מרת פעריל מלכה הי"ד, די ווייב פון הרב חנוך הענך דוב טויב.
  • הבתולה מרים יוכבד הי"ד.
  • הבתולה רבקה הי"ד.
  • הבתולה פריידא הי"ד.

רעפערענצן רעדאַקטירן

  • זרעא קדישא
  • אנציקלופדיה לחכמי גליציה, מאיר וונדר