הושענא באדייט אן ערבה, אדער א בינטל פון ערבות, וואס ווערט געניצט סוכות. אין דעם בית המקדש פלעג מען ארומנעמען דעם מזבח מיט ערבות. אויך האבן די נביאים מתקן געווע צו נעמען ערבות יעדן טאג פון סוכות.

היינטיגע צייטן ווען מען האט מער נישט קיין בית המקדש איז געבליבן דער מנהג צו קלאפן א הושענא—א בינטל פון פינעף ערבות—אויף דער ערד כ"א תשרי און צוליב דעם רופט מען מען דעם טאג הושענא רבה.

אין דער גמרא (מסכת סוכה) רופט מען אויך דעם לולב צוזאמען מיט די הדסים און ערבות "הושענא".