אשר ישעיה רובין (קאלבאסאוו)

רבי אשר ישעיה רובין זצ"ל (ה'תר"ו - כ"א אלול ה'תרע"ד), פון קאלבאסאוו.

אפשטאם

רבי אשר'ל איז געבוירן אין יאר ה'תר"ו, צו זיין פאטער הרב יחיאל רובין, רב אין קאלבאסאוו, א זון פון הרב אשר ישעיה רובין, רב אין ראפשיץ, באקאנט אלס דער רבי ר' אשר'ל. און צו זיין מוטער א טאכטער פון הנגיד הרב אליהו רייך פון ריישא.

רבנות

רבי אשר'ל איז אלט געווען פערצען יאר ווען זיין פאטער רבי חיליש איז נפטר געווארן, זיין מוטער האט געוואלט מ'זאל אויסווארטן מיט דעם רבנות ביז רבי אשר'ל וועט אינטערוואקסן און נישט אויפנעמן זיין שוואגער רבי אברהם אהרן טייטלבוים. ווען רבי אשר'ל איז צוריק געקומן קיין קאלבאסאוו איז שוין זיין שוואגער געווען רב, רבי אשר'ל האט געמוזט אקסעפטירן דעם פאקט.

הסתלקות

רבי אשר'ל איז נפטר געווארן אין עלטער פון אכט אין זעכציג יאר כ"א אלול ה'תרע"ד.

פאמיליע

רבי אשר'ל האט געהייראט מרת חנה שפרה א טאכטער פון הרב אלכסנדר סנדר סאפרין פון קאמארנא. זייערע קינדער:

• די ווייב פון הרב מנחם מענדל רובין, דיין אין קאלבאסאוו.

• מרת חיה אדל די ווייב פון הרב ברוך פנחס ראבינאוויץ, פון סקאליע.

• די ווייב פון הרב חיים שלמה ראטענבערג פון קאסאן.

• מרת מלכה, די ווייב פון הרב איתמר ראזענבוים פון נאדווארנא.

רעפערענצן

• אנציקלופדיה לחכמי גליציה, מאיר וונדר