צבי שטעמער
צבי (הערשל) שטעמער (ה'תרפ"ט - ט"ו טבת ה'תשס"ט) איז געווען א חשובער קלויזענבורגער חסיד וואס איז געווען טעטיג אין אויפשטעלן קרית צאנז אין נתניה און די צאנז-קלויזנבערגער קהילה אין בני ברק. ער איז אויך געווען א מיטגליד אין דער הנהלה פון מפעל הש"ס.
לעבנסגעשיכטע רעדאַקטירן
הערשל שטעמער איז געבוירן אין ווארמז, דייטשלאנד אין יאר תרפ"ט, א יונגערער ברודער פון גרשון שטעמער, דער ראש הקהל פון דער עדה החרדית. צו דריי יאר האט זיין משפחה עמיגרירט קיין ארץ ישראל. ווען ער איז געווען נאך א קליין קינד איז ער פאר'יתומ'ט פון זיין מאמע.
ער איז נפטר געווארן שבת־צו־נאכט פ' ויחי (ט"ו טבת) תשס"ט אין בני ברק, און באערדיגט אין דער צאנזער חלקה פון דעם נתניה בית החיים.
צאנז-קלויזענבערג רעדאַקטירן
נאך זיין חתונה איז ער געווען שטארק טעטיג צווישן קלויזענבערגער חסידים, און אסאך אנדערע האבן אויך געקענט אים. אפילו אלס יונגערמען פלעגן קומען צו אים יונגע פאר-פֿאלק ער זאל העלפן מיט זייער שלום בית.
ער האט געפירט א גרויסע גמ"ח קאסע וואס האט אויסגעבארגט געלט אין סכומים פון הונדערטער טויזנטער שקלים.
ווען מ'האט אויפֿגעשטעלט קרית צאנז אין נתניה איז ר' הערשל געווען אן אינטעגראלער טייל פון דעם ענין. נאכדעם האט ער זיך געצויגן קיין בני ברק וואו ער האט אנגעהויבן אויפשטעלן די קלויזענבערגער קהילה פון דער שטאט. ער האט פארדינט פרנסה אלס א מחנך אין קרית צאנז. ווען דער קלויזענבערגער רבי האט אויפגעשטעלט דעם מפעל הש"ס האט מען גערופן ר' הערשל צו באטייליגן אין דער הנהלה.