סקולען (הויף)
סקולען איז א שטאט אין בעסאראביע (היינט מאלדאווע) וואס איז געווען דער וואוינארט פון רבי אליעזר זוסיא פארטוגאל ז"ל. ער איז געראטעוועט געווארן פון ראמעניע אונטער די נעגל פון די קאמוניסטן און אנגעהויבן צו פארשפרייטן חסידות סקולען אין ברוקלין, ניו יארק, קודם אין קרוין הייטס און דערנאך אין וויליאמסבורג.
זיין זון רבי ישראל אברהם איז געווארן רבי נאך אים.
זיי ביידע טאטע מיטן זון זענען געווען גרויסע קאמפאזיטארן פון אידישע ניגונים.
נאך דער פטירה פון רבי ישראל אברהם האט מען באקרוינט זיינע זין:
- דער עלטסטער זון רבי ישעיה יעקב האט ממלא געווען זיין פאטער׳ס פלאץ אלס סקולענער רבי און ער וואוינט אין בארא פארק
- רבי מאיר איז אויפגענומען געווארן אלס סקולענער רבי אין וויליאמסבורג.
- רבי אפרים יודא איז אויפגענומען געווארן אלס סקולענער רבי אין מאנסי.
- רבי צבי נח איז אויפגענומען געווארן אלס סקולענער רבי אין לעקוואד.
- רבי שמואל מרדכי איז אויפגענומען געווארן אלס סקולענער רבי אין ירושלים.
וועבלינקען
רעדאַקטירן- דער היינטיגער רבי ביי א טיש (ארכיווירט 10.03.2007 ביי דער Wayback Machine)
- 6 סעקונדע ווידיאו קליפ פון היינטיגען רבין ביים דאווענען. [1]