מישא אלעקסאנדראוויטש

מיכאל (מישאַ) אַלעקסאַנדראוויטש (רוסיש: Александрович, Михаил Давидович;‏ 23סטן יולי 1914 - 3טן יולי 2002) איז געווען א חזן און זינגער.

מישא אלעקסאנדראוויטש

געבורט	23 יולי 1914 לעטלאנד
טויט	3 יולי 2002 (אלט 87) מינכן, דייטשלאנד
מדינה	לעטלאנד, סאוועטן פארבאנד, רוסלענדישע אימפעריע, ישראל, פאראייניקטע שטאטן פון אמעריקע, דייטשלאנד

ער איז געווען חזן אין ריגע, מאנטשעסטער און קאוונע.

ביאגראפיע

ער איז געבוירן צו זיין פאטער דוד אין יאר 1914 אין בערגער (לעטיש: Bērzpils), וויטעפסקער גובערניע, רוסלענדישע אימפעריע (היינט לעטלאנד).

זיין ערשטער עפנטלעכער קאנצערט איז פארגעקומען אין ריגע.

ער האט אנגעהויבן לערנען מוזיק אין דער ריגער קאנסערוואטאריע. אין די יארן 1934-1936 האט ער פארגעזעצט זיין מוזיקאלישע בילדונג אין מילאן ביי פראפעסאר דין דזשילי.‏

ביי דער צווייטער וועלט קריג האט מען אים געברענגט צו זינגען פאר דער רויטער ארמיי. ער איז געווארן אן אנערקענטער אינטערנאציאנאלער זינגער.

אין די 1970ער יארן האט מען אים ערלויבט ארויסצופארן פון רוסלאנד.

ער איז געווען חזן אין ישראל, די פאראייניגטע שטאטן און קאנאדע. ווי אויך האט ער געהאלטן אסאך קאנצערטן איבער דער וועלט און רעקארדירט אסאך קאמפאזיציעס און לידער.

אין 2002 איז ער נפטר געווארן אין מינכן, דייטשלאנד.

זעט אויך

• דאס יידישע ליד

וועבלינקען

• מישא אלעקסאנדראוויטש זינגט א "יידיש ליד" (ארכיווירט 04.03.2016 ביי דער Wayback Machine)