מארטאל קאמבאט
מאָרטאַל קאָמבאַט (ענגליש: Mortal Kombat; אין קורצן: MK) איז א קאנצעסיע פון קאמפן ווידעא שפילן וואס איז געשאפן געווארן דורך עד בון און דזשאן טאבייאס אין 1992. די פיר הויפט שפילן זענען פארשפרייט געווען דורך דער מידוויי פירמע, בעיקר אין ארקייד מאשינען; שפעטער זענען זיי געווארן פאראן אויף היים קאנסאלן.
אַקליים ענטערטיינמענט האט געקויפט די ארקייד שפילן פאר די היים קאנסאל ווערסיעס אין דער צייט, און זיי זענען שפעטער געקויפט געווארן דורך ווארנער ברידער אין יולי 2009. דערנאך זענען זיי געווארן א טייל פון ווארנער ברידער אינטעראקטיווע פארוויילונג.
אלס א רעזולטאט פון זיין הצלחה האט "מארטאל קאמבאט" באקומען א סאך המשך-שפילן, פילם אדאפטאציעס (סיי אנימירט סיי ליוו-אקציע), טעלעוויזיע סעריעס און קאמיקס. די סעריע איז באקאנט פאר אירע גרויסע קוואנטומען פון בלוט און געוואלד, בפרט די "פֿאַטאַליטעטן", ספעציעלע אקציעס וואס דארפן ספעציפישע קנעפל קאמבינאציעס. דאס האט שפעטער געדארפט די גרינדונג פון דער פארוויילונג ווייכווארג גראַדאַציע ראַט (ESRB).
דאס באנוץ פון K אנשטאט C אין דאס ווארט combat איז געווען א געדאנק פונעם פּינבאל אויספארמירער סטיוו ריטשי, א וואריאציע פונעם אריגינעלער נאמען וואס איז געווען נאר Mortal Combat. זינט דאס, די סעריע אפט שרייבט K אין פארשידענע ווערטער מיט א שווערער C קלאנג. לויט עד בון, די ווערטער ווערן געוויינטלעך אויסגעלייגט נארמאל אין דער אנטוויקלונג פון די "מארטאל קאמבאט" שפילן און זענען נאר געטוישן אויב איינער אנטוויקלער מיינט אז זיי זאלן ווערן. די ערשטע שפילן אין די סעריע זענען געווען זייער מערקווערדיק, בפרט פאר זייערע רעאליסטישע גראפיק וואס אונטערשיידן זיי פון אנדערע שפילן, און אויך דאס באנוץ פון קאלירן פארבייטונג צו שאפן נייע כאראקטערן. די סעריע איז געשאפן געווארן צו קאנקורירן מיט די "סטריט פייטער" שפילן.
פראדוקציע
רעדאַקטירןאין דער צייט האט "מארטאל קאמבאט" געצויגן א סאך אכטונג צוליב זיינע עקסטרעמער געוואלד און דיגיזירטע גראפיק. אַחוץ גאָראָ און טייל אנדערע נישט-מענטשלעכע כאראקטערן, יעדן קעמפער איז טאקע געווען א לעבעדיקן אקטיאר וואס זיינע באוועגונגען זענען רעקארדירט און צוגעלייגט געווארן אינעם שפיל (דער פערטער שפיל איז געווען דער לעצטער מיט דאס גראפיק סטיל). דאס איז ווייל די ערשטע "מארטאל קאמבאט" שפילן זענען פראדוצירט געווארן שוין לאנג איידער די פערטע גענעראציע קאנסאלן מיט דריי-דימענסיעדיקע גראפיק (די נינטענדא 64 און די פלייסטיישן ליניע). אויך זענען זיי פראדוצירט געווארן אין א צייט ווען ווידעא שפילן זענען געווען כמעט נאר פאר קינדער, געווינטעלך מיט ווייניק אדער קיין געוואלד.
יעדן קעמפער האט זיין אייגענע סיבה צו באטייליקן אין דער מארטאל קאמבאט טורניר. יעדן האט זיינע אייגענע קאמף באוועגונגען, און א טייל קענען ניצן ספעציעלע ענערגיעס צו באפאלן דער קעגנער. אנדערע האבן ספעציעלע טריקן ווי געווער, קאַנאַטן, קרעלן און נאך. עס זענען דא א טייל אקציעס אומצוברענגען פארשוואכטע קעגנערס ווי ברוטאלע שחיטות, אפשניידן דעם קאפ, קרעמאציע, אויפרייסן און נאך. זיי הייסן "פֿאַטאַליטעטן" (fatalities), אבער עס זענען דא לייכטע וואריאציעס ווי "בייבאליטעטן" (וואס מאכן דעם קעגנער אן עופעלע), פריינטשאפטן (א וויץ אדער גנאָד אנשטאט מארדן דעם קעגנער), "אַנימאַליטעטן" (דער געווינער פארוואנדלט זיך אין א בעל חי און ענדיקט דעם קעגנער) און "ברוטאַליטעטן" (געוואלדיקע שלעגעריי ביז דעם קעגנער צעפאלט זיך).
אנדערע מעדיע
רעדאַקטירןפילמען
רעדאַקטירן- "מארטאל קאמבאט" (1995)
- "מארטאל קאמבאט: אונטערברענג" (1997)
- "מארטאל קאמבאט" (2021)
אנימירטע פילמען
רעדאַקטירן- "מארטאל קאמבאט לעגענדעס: סקארפיאנ'ס נקמה" (2020)
אנימירטע סעריעס
רעדאַקטירן- "מארטאל קאמבאט: די באשיצערס פונעם רוים"
טעלעוויזיע סעריעס
רעדאַקטירן- "מארטאל קאמבאט: באהערשונג"
- "מארטאל קאמבאט: ירושה"
וועבלינקען
רעדאַקטירן