הרב חיים פֿלאהר איז דער רב און ראש כולל פון כולל זכרון מנחם אין מאנסי, ניו יארק. ער איז א באוואוסטער גאון און פירנדער מנהיג אין שטאט מאנסי.

הרב חיים פלאהר איז געבוירן ביי זיין טאטן הרב יוסף פלאהר זצ"ל און זיין מוטער דוואשע, א טאכטער פון הרב שמעון שעין זצ"ל א שוחט.

רבי אלחנן וואסערמאן זצ"ל הי"ד איז געווען זיין סנדק זייענדיג אין אמעריקע ביי זיין ברית. זיין נאמען איז נאך דעם מלאך חיים אברהם דובער

הרב חיים פלאהר שליט"א האט גענאסען הערצה און קירבות אלץ בחור ביים סאטמאר רבין רבי יואל טייטלבוים זצ"ל זיך רעכענדיג מיט זיין מיינוג ווען ער האט געשריבען זיין שיטה ספר ויואל משה און רבי חיים שליט"א האט אים אויפמערקזאם געמאכט הערות וואס ער האט מגיה געווען און דער סאטמאר רב האט אים געגעבן גערעכט

ווי אויך האט דער ליטווישער מנהיג פון אגודת ישראל הרב יעקב קאמניצקי זצ"ל געווען נאנט באפריידענט מיט אים ווי אויך אנדערע גדולים ווי הגאון רבי משה פיינשטיין זצ"ל ווי ער האט גענומען שימוש און רבנות ווי אויך ביי די רבנים הרב משה ביק ז"ל הרב משה שטערן ז"ל און הרב משה ניישלאס ז"ל.

רבי חיים האט אלץ קינד גלערינט ביי די מלאכים און א קורצע צייט אין צעהלים דערנאך און ביהמ"ד עליון ביי הגאון רבי ראובן גראזאווסקי זצ"ל און ביי זיין איידעם הרב דן אונגארישער און הרב גדליה שאר.

כולל זכרון מנחם מוסדות החינוך

שפעטער ווען ביהמ"ד עליון האט זיך פארמאכט האט רבי חיים שליט"א מייסד געווען דעם כולל זכרון מנחם פאר רבנים און אברכים ת"ח וואס תורתם אמונתם, ווי זיי באקומען א שיינע געהאלט צו לערנין מיט הרחבת הדעת צענדליגער מורי הוראות און מגידי שיעורים זענען ארויסגעקומען במשך די יארן פון דער באוויסטער כולל צווישען זיי איז הגאון רבי שבתי וויגדער זצ"ל און פיל נאך אויך האט גלערינט און דער כולל אדמור מתולדות אהרן שליט"א הרב משה זילבערבערג שליט"א הרב ישראל דוד שלעזינגער שליט"א און הרב יושע כהן שליט"א און פיל נאך גרויסע ת"ח.

דער כולל האט אויכעט א בית דין און א בית הוראה וואס צווישען די רבנים בעלי הוראה זענען הרב יחזקאל גאלד שליט"א הרב נתנאל סוממער שליט"א הרב זלמן אילאוויטש שליט"א און נאך, אויך זיצט הרב חיים פלאהר שליט"א ביי פארשידענע שווערע דיני תורה'ס ווען עס דארף זיין אינטער די פארזיץ פון א אנערקענטע גדול וואס זאל מכריע זיין.

רבי חיים איז דער מייסד פון די מוסדות תשב"ר ריבניץ פאר אינגלעך און בית שפרה מרים פאר מיידלעך וואס ער טראגט דעם עול פון די מוסדות ברוחניות ובגשמיות,

קנאות און שיטות

רבי חיים שליט"א איז זייער שארף קעגין די חוקי תועבה, זייער שטארק א קעגין נעמען רעגירונג פראגראמען פאר מוסדות החינוך זאגענדיג אז דערנאך מישען זיך זיי אריין און די למודים און זאגען דעה'ס וואס משטייט אויס נסיונת וועגען געלט זאכען, ווי אויך האלט ער נישט פון לערנין למודי חול און מוסדות פאר יונגלעך, זייער שטארק א קעגין אלע פארטייען וואס גייען צו די בחירות און ארץ ישראל

ביים יערליכן דינער פונעם כולל רעדט רבי חיים שליט"א ארום אקטועלע ענינים הצריכים חיזוק ווי למשל ביי די באקאנטע מציצה בפה פרשה האט הרב פלאהר שטארק ארויסגטרעטען א קעגין הרב טענדלער דער וואס האט געארבעט שטארק מען זאל אסר'ן מציצה בפה.

זעט אויךרעדאַקטירן

רעפערענצןרעדאַקטירן

וועבלינקעןרעדאַקטירן