דוניי

דער דוניי (דײַטש: Donau, סלאוואקיש און פויליש Dunaj, אונגאריש Duna, רומעניש Dunărea, טערקיש Tuna, אור-אלטע גריכיש Istros, קראאטיש Dunav, סערביש Дунав/Dunav, בולגאריש Дунав, אוקרייניש Дунай) איז דער לענגסטער טײַך אינעם אייראפעישן פארבאנד און (נאכן וואלגא) דער צווייטער לענגסטער טײַך אין גאנץ אייראפע.

דוניי
Dunărea, Duna, Donau, Дунав, Dunaj, Дунав, Dunav, Дунай, Dunaj

לאקאציע
לענדער	דייטשלאנד, עסטרייך, סלאוואקיי, אונגארן, קראאטיע, סערביע, רומעניע, בולגאריע, מאלדאווע, אוקראינע
אייגנשאַפֿטן
לענג	2,850 קילאמעטער
קוואל	שווארצוואלד
הייך פון קוואל	1,078 מעטער
דורכשניטלעכער אויסגאס	5,433 קובישע מעטער א סעקונדע
דרענאזש בעקן	801,463 קוואדראט קילאמעטער
לעפצונג	שווארצער ים

ער הייבט אן אינעם שווארצוואלד אין דייטשלאנד אלס די קליינע בריגאך און ברעג טײַכן וואס קומען צוזאמען אין דער שטאט דוניישינגען, נאכער הייסט ער דער דוניי וואס פֿליסט צו מזרח במשך 2850 ק"מ (1771 מייל), אדורכגייענדיג עטלעכע הויפטשטעט אין צענטראלער און מזרח אייראפע, איידער ער גיסט ארײַן אינעם שווארצן ים דורך דער דוניי דעלטע אין רומעניע און אוקראינע. אין היסטאריע איז ער באקאנט אלס א גרענעץ פון דער רוימישער אימפעריע.

דער טײַך פליסט אדורך — אדער גרענעצט — צען לענדער: דייטשלאנד (7.5%), עסטרייך (10.3%), סלאוואקיי (5.8%), אונגארן (11.7%), קראאטיע (4.5%), סערביע (10.3%), רומעניע (28.9%), בולגאריע (5.2%), מאלדאווע (1.7%) און אוקראינע (3.8%).