ברוך האגער (אנטאניא)
רבי ברוך האגער איז דער אנטאניער רבי אין בני ברק.
רבי ברוך איז געבוירן געווארן צו רבי משה, אנטאניער רבי אין בני ברק און אין תל אביב, זון פון רבי ברוך, זון פון רבי יחיאל מיכל האגער פון האראדענקא, דער ברודער און איידעם פון רבי חיים האגער פון אנטאניא.
ער האט געלערנט אין דער טשעבינער ישיבה אין ירושלים. אין יאר תשנ"ד, נאכן הסתלקות פון זיין טאטע, איז ער באקרוינט געווארן אנטאניער רבי.
רבי ברוך לערנט גאר אסאך "חתם סופר" על התורה, צוליב דעם וואס ער איז א איידעם ביי משפחת שרייבער, אייניקלעך פונעם חתם סופר. ביי זיינע טישן און באטעס זאגט ער אסאך איבער פונעם חתם סופר, אזוי אויכעט פרעגט ער אסאך שאלות אין חומש רש"י.
ער איז מקפיד צו דאווענען שחרית פאר סוף זמן תפילה, על אף אז דער מנהג איז געווען צו דאווענען שבת און יום טוב נאכן זמן.
זיינע תפילות און טישן ווערן געפראוועט מיט שטארקע רגשדיגע תנועות. לאנגע יארן איז ער געווען א מדריך חתנים און א ראש חברה אין וויזשניץ.
 | דער ביאגראפישער ארטיקל וועגן א רב איז א שטומף. דאס הייסט עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |