עפענען הויפטמעניו
א בארג-דורכגאנג

אין א בארג קייט איז א באַרג-דורכגאַנג  אדער באַרגפאַס א וועג וואו מען קען אריבערגיין א בארג . ער איז געוויינלעך א זאטל-פונקט צווישן צוויי העכערע שטחים. אין א סך פון די בארג-קייטן אין דער וועלט איז שווער אדורכצופאן, במילא איז א דורכגאנג שטענדיג געווען וויכטיג סיי אין האנדל, סיי אין מלחמה, און אויך פאר וואנדערונג.

א דורכגאנג זעט אויס ווי א זאטל צווישן צוויי בערג. אפטמאל געפינט מען א דורכגאנג העכער פון דעם קוואל פון א טייך, וואס שאפט א בריק אזוי אריבער צום קוואל-געביט פון אן אנדער טייך. א דורכגאנג קען זיין גאנץ שמאל, מיט שיפע בארגארויפן צום שפיץ פונעם דורכגאנג, אדער דער דורכגאנג קען גאר זיין א טאָל לאנג עטלעכע קילאמעטער.

אפטמאל בויט מען שאסייען און אייזנבאנען אדורך בארג-דורכגאנגען. טיילמאל ווען דער דורכגאנג איז הויך און גראבלעך גראבט מען א טונעל אונטן כדי דער פארקער זאל פארן גיכער.

צווישן די בארימטע דורכגאנגען זענען דער גרויסער סט בערנארד דורכגאנג הויך 2,473 מעטער אין די  אלפן, דער כייבער דורכגאנג הויך 1,027 מעטער צווישן אפגאניסטאן און  פאקיסטאן, און דער קארדאנג לא דורכגאנג הויך 5,359 מעטער אין דזשאמו און קאשמיר, אינדיע.

וועבלינקעןרעדאַקטירן

וויקימעדיע קאמאנס האט מעדיע שייך צו: בארג-דורכגאנג


רעפערענצןרעדאַקטירן