װיקיפּעדיע:קאווע שטיבל/מערץ ארכיוו 2009

6000 ארטיקלען

היינט האט די יידישע וויקיפעדיע דערגרייכט 6000 ארטיקלען. דער 6000ער ארטיקל איז יהושע העשיל תאומים-פרענקל (ב). מען דארף שטארק דאנקען יוסל פאר זיין פלייסיגער טעטיקייט, מיט כמעט 300 נייע ארטיקלען אין צוויי חדשים. --פוילישער 23:49, 8 מערץ 2009 (UTC)

פּיִי! אַ דאַנק יוסל פֿאַר דײַן פֿלײַסיקע אַרבעט. ►רוני◄ 08:38, 9 מערץ 2009 (UTC)

דבר בעתו, משנכנס אדר מרבין בשמחה. פון א גוט ווארט האט זיך נאך קיינער נישט אנגעבריט, וטובים השנים --יוסל 10:12, 9 מערץ 2009 (UTC)

די זכות פון די צדיקים די קדושים וטהורים אונזערע הייליגע רעביס וואס דער יוסל האט דא מנציח געווען לשם עולם זאל ביישטיין פאר אלע ליינער און שרייבער זיך אראפלערנען פון זייערע ערליכע וועגן. אויף יוסל קען מען זאגן זאגן יוסף דעת יוסף יראה און נישט חלילה מכאוב ווייל עס איז דעת ה' צו לערנען און וויסן די וועגן פון צדיקים און זייערע הייליגע קינדער און אייניקלעך. און נישט ח"ו סתם חכמת חיצוניות און ביאגראפיעס אויף אפיקורסים און דברי חול ווי אלע אנדערע וויקיס.--א דאנק. אייערס מיט עהרע און ליבע י.י. 13:47, 9 מערץ 2009 (UTC)

דינאסטיע - לעומת - הויף

א פריילכען פורים ס'פאלט מיר אויף אז די דינאסטיעס פון די חסידישע הייפער וואלטן לכאורה געדארפן זיין פארטיילט אין אן עקסטער בלאט. למשל א) צאנז (דינאסטיע) אויסשליסליך פאר דעם צאנזער בוים, ב) צאנז (הויף) אויסשליסליך פאר דער אינהאלט בנוגע דעם הויף, דהיינו ווער זענען געווען די אנהענגערס, דרך אין חסידות, ספעציעלע מנהגים א. ז. וו. דער ריווח למשל ביים ברוך טעם אדער חתם סופר וכהנה וואס דער דינאסטיע האט א פארנעם ביים צבור אבער דער ווארט הויף איז לכאורה נישט צוגעפאסט.--יוסל 10:22, 11 מערץ 2009 (UTC)

אין דער ענגלישער וויקיפעדיע האט מען אויפגעשטעלט די ארטיקלען וועגן חסידות'ן לויט דינאסטיעס, לדעתי איז דאס געווען א טעות ווייל עס מאכט זיך אמאל א חסידות אן א דינאסטיע. מאידך איך בין מסכים מיט אייך אז לגבי אנדערע רבנישע משפחות איז כדאי צו שאפן א בלאט וועגן דער דינאסטיע. א גוטן שושן פורים! --פוילישער 15:17, 11 מערץ 2009 (UTC)