ראקלענד כשר

ראקלענד כשר (ענגליש: Rockland Kosher) איז דער צווייטער גרעסטער כשרער סופערמארק אין די פאראייניגטע שטאטן, נאך זיבן מייל מארק אין באלטימאר, מערילענד. ער געפינט זיך אין דעם איינקויף צענטער "שאפערס העווען" אין מאנסי, ניו יארק.

זיי פארמאגן א באזונדערע בעקעריי, דעלי, פיש-געשעפט, און א ספרים-געשעפט מיטן נאמען "מרכז".

היסטאריע

דער פלאץ איז געגרידענט געווארן דורך פינחס קליין, דער וויזשניצער ראש הקהל און א גרויסער בעל צדקה. דאס איז א מעגא סופערמארקעט​ וואס האלט אין זיך צענדליגע געשעפטן מיט א ריזיגן שפייזקראם און עסן געשעפט וואס איז געווען די ערשטע אין א אידישן געגנט וואס געהערט צו א אידישן בעל הבית. דעם שפייזקראם האט פריער געעפנט יחיאל רויזנבערג מיט א אנדער נאמען. שפעטער האט פנחס קליין דאס אפגעקויפט און פיל פארברייטערט און פארגרעסערט ביז ער האט אפעגעקויפט אין 2005 א ריזיגן מאגאזין און געמאכט די מעגא געשעפט מיט א נעץ פון צענדליגע געשעפטן אינעם מאל וואס מ'קען דארט אלץ קויפן.

ביז 1988 איז ראקלענד כשר געווען דער גרעסטער כשר׳ער סופערמארקעט אין די פאראייניגטע שטאטן, היינט צו טאגס איז זיבן מייל מארק אין באלטימאר דער גרעסטער, און ראקלאנד כשר נעמט דעם צווייטן פלאץ.

וועבלינקען

• ראקלענד כשר