קאפעליטש

א קאפעליטש איז א סארט הוט וואס האט ברעגן. טייל קאפעליטשן האבן א ברעג וואס גייט ארויף פון די זייטן און הינטן, און אראפ פון פארנט. געווענטליך האט א קאפעליטש א שלייף, געבונדן פון דער רעכטער זייט.

א בארסאַלינא קאפעליטש

עס זענען פארהאנען אסאך סארטן הוטן, פלאכע הויעכע, רונדיגע און פירקאנטיגע, האריגע, לעדערנע, פלאסטיגע, שטרויענע, שטאפיגע, לייוואנד, און דערין זענען פארהאנען מוסטערן, וואס קומען פון אנדערע לענדער.

א קאַפּ, א דאשעק, פיסטאָן, אסקאט, קאסקעט, מיציע קאפל, שאפקא, באראט, טורבאן, ווינטער קאפל, זומער קאפל, ענגלישער הוט, טאבע הוט, האמבורג הוט, מיליטערישער הוט, קאפיטאן הוט

חרדישע קאפעליטשן

חרדישע יידן זענען מקפיד צו טראגן א קאפעליטש ביים דאווענען און אסאך גייען נישט אין דער גאס נאר מיט א קאפעליטש. אסאך חרדים (און אזוי אלע חסידישע קאפעליטשן) גייען מיטן ברעג ארויף פון אלע זייטן.

סאטמארער חסידים גייען אבער מיט א שטאפן קאפעליטש, אדער א קאפעליטש געמאכט פון ביבער סאמעט.

פאפא חסידים גייען בדרך כלל מיט א הויכע סאמעטן קאפעליטש.

בעלזער, סקווירער, ווישניצער און באבאווער חסידים גייען מיט הויכע היטן וואס דער שלייף איז ביי דער רעכטער זייט, אבער וויזשניצער חסידים גייען מיטן שלייף געבונדן פון דער לינקער זייט.

חב"ד חסידים גייען בדרך כלל מיט א שפאלט קאפעליטש.

רוב ליטווישע גייען אויך מיט א שפאלט קאפעליטש.