נאכט אויף נאלעווקעס

נאַכט אויף נאַלעווקעס איז א בוך פון לידער אויף יידיש געשריבן דורך יוסף רובינשטיין און ארויסגעגעבן דורכן יידישן קולטור-קלוב אין באסטאן מיט דער מיטהילף פונעם דוד איגנאַטאָוו ליטעראטור-פאנד אין ניו יארק 1949.

דאס בוך איז איינגעטיילט אין צוויי חלקים: דער ערשטער טייל ווערט גערופן מאָדעלן, וועלכער איז אייגנטלעך דעם מחבר'ס ביך וואס ער האט אנגעשריבן אין ווארשע בעפאר דער קריג און עס איז געדרוקט געווארן ערב דער מלחמה דורך דעם יידישן פּען-קלוב אבער די גאנצע אויפלאגע איז ביים אויסבראך פון דער מלחמה אוועק מיטן רויך.

דער צווייטער חלק הייסט גורל און דאס באשטייט פון לידער געשריבן במשך זיינע צען יאר פון מלחמה-וואַנדערונגען 1939-1949.

די טעמע'ס זענען פארשידענע, אבער איבערהויפט שילדערט ער זיין באליבטע היימשטאָט די יידישע ווארשע.

די צייכענונגען אינעם בוך זענען געמאכט  דורך: מענדל רייף צו דער ערשטער אויסגאבע, אומגעקומען ביים קריג), אברהם וואלקאוויטש (צום צווייטן טייל) און יהודה טאָפעל (שער בלאט).

בס"ה אנטהאלט דאס בוך 188 זייטן.

אינהאלט

ערשטער טייל

• שטיללעבן, אכט-און-צוואנציג פאעמען
• באם פענצטער, צעהן
• ווארשע, צעהן
• אַלט-שטאט, צוויי

צווייטער טייל

• חומש מאטיוון, זעקס
• מיט קינדערשע אויגן, צעהן
• מענטשן און זאכן, פינעף
• בטחון, זעקס
• דריי פּאָעמעס, דריי