נאום טיכי
נאַום טיכי (אוקראַיִניש: Наум Тихий; 1920 – 27סטן אקטאבער 1996) איז געווען אַן אוקראַיִנישער דיכטער און פּראָזאַיקער פון דער ייִדישער אָפּשטאַמונג.
| ||
| געבורט |
25 מאי 1920 אוקראינע  | |
|---|---|---|
| טויט |
27 אקטאבער 1996 (אלט 76) קיעוו, אוקראינע | |
| פאך |
דיכטער | |
  | ||
|
דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
ביִאָגראַפיע
רעדאַקטירןטיכי איז געבוירן געוואָרן אינעם שטעטל מילטשין (איצט – אין דער זשיטאָמירער געגנט פון אוקראַיִנע) אין דער משפּחה פון אַ פּראָוויזאָר. לגבי זײַן געבורטס-דאַטע זײַנען פאַראַן ספקות – דעם 25סטן מײַ 1920 צי דעם 14טן סעפּטעמבער 1922. זײַן אמתדיקער נאָמעו איז געווען נחום שטילערמאַן.
אין 1937 האָט נחום שטילערמאַן פאַרענדיקט מיטלשול אין זײַן געבורטס-שטעטל און איר אַריבערגעפאָרן קיין קיִעוו, וווּ ער האָט אָנגעהויבן זיך לערנען אויפן פאַקולטעט פון דער אוראַיִנישער פילאָלאָגיע אינעם אָרטיקן אוניווערסיטעט. אין דעם זעלבן יאָר איז נחום שטילערמאַנס פאָטער אַרעסטירט און רעפּרעסירט געוואָרן אַלס "שונא פונעם פאָלק".
ער האָט דעביוטירט מיט לידער אין אוקראַיִנישער פּעריִאָדיק אין 1940. דעמאלט האָט ער, לויט אַן עצה פונעם באַקאַנטן אוקראַיִנישן דיכטער לעאָניד פּערוואָמײַסקי, אויך אַ ייִד לויט דער אָפּשטאַמונג, איבערגעזעצט זײַן פאַמיליע נאָמען פון ייִדיש אין אוקראַיִניש און איז געוואָרן נאַום טיכי. אין סאַמע אָנהייב פון דער סאָוועטיש-דײַטשישער מלחמה איז דער יונגער דיכטער פרײַוויליק אַוועק אויפן פראָנט. ער איז אַדורך די מלחמה ביז סוף, געווען שווער פאַרוווּנדעט און געוואָרן אַן אינוואַליד.
אין 1945 האָט נאַום טיכי זיך אומגעקערט אינעם קיִעווער אוניווערסיטעט, וועלכן ער האָט פאַרענדיקט אין 1947. אין די נאָך-מלחמהדיקע יאָרן איז ער געוואָרן איינער פון די בולטסטע פיגורן אין דער גרופּע פון יונגע אוקראַיִנישע ליטעראַטן, געוועזענע פראָנטאָוויקעס, וואָס זײַנען שפּעטער אָנגערופן געוואָרן "דער פראָנט-דור". אין 1947 איז אין קיִעוו דערשינען נאַום טיכיס ערשטע לידער-זאַמלונג «Розмова з друзями» ("אַ שמועס מיט פרײַנד"). במשך פון זײַן שעפעריש לעבן האָט ער אַרויסגעגעגבן אַריבער 30 לידער-זאַמונגען, ווי אויך צוויי ראָמאַנען.
נאַום טיכי האָט איבערגעזעצט אין אוקראַיִניש ווערק פון די ייִדישע דיכטער דוד האָפשטיין, פּרץ מאַרקיש און ריווע באַליאַסנע. אין 1992, ווען אוקראַיִנע איז געוואָרן אַן אומאָפּהענגיקע מלוכה האָט ער פאַרעפנטלעכט אַ ליד “Молитва за Україну” ("תפילה פאַר אוקראַיִנע"), אין וועלכן עס האָבן זיך צונויפגעגאָסן ייִדישע נאַציִאָנאַלע געפילן מיט אוקראַיִנישן פּאַטריִאָטיזם.
דער דיכטער איז נפטר געוואָרן אין קיִעוו דעם 27סטן אָקטאָבער 1996.
וועבלינקען
רעדאַקטירן- נאַום טיכיס "פאַרשפּעטיקט ליד" (אויף אוקראַיִניש)