רבי ברוך יוסף ז"ק (ה'תרמ"ז - ט"ז סיון ה'תש"ט) איז געווען דער קאברינער רבי אין אמעריקע.

אפשטאםרעדאַקטירן

רבי ברוך ז"ק איז געבוירן אין תרמ"ז צו זיין פאטער רבי ישראל פון קראסילעוו, א זון פון רבי נחמן פון סקאלאט, א זון פון רבי ישראל פון טשען, א זון פון רבי יוסף פון יאמפאל.

ער האט געהייראט א טאכטער פון רבי דוד שלמה פון קאברין.

אין תרע"ג איז א ארויף אין ארץ ישראל. אין תרע"ה, ביי דער ערשטער וועלט מלחמה, האט די אטאמאנישע רעגירונג פארטריבן רבי ברוך קיין מצרים. אין תרע"ו האבן די קאברינער חסידים אין אמעריקע גערופן אים צו ווערן זייער רבי. ער האט אויפגעשטעלט זיין הויף אין ברוקלין, ניו יארק.