בינארישע סיסטעם

(אַריבערגעפֿירט פון ביינערי)
דער ציילער ווייזט ווי צו ציילן אין ביינערי פֿון נומערן נול צו איין-און-דרייסיק.

די בינארישע צאל סיסטעם (אדער צווייער-סיסטעם) איז א נומערן סיסטעם וואס ניצט נאר צוויי סימבאלן, געווענטליך 0 און 1.

ציילן אין בינארישרעדאַקטירן

ציילן אין בינאריש איז ענליך ווי צו ציילן אין דער דעצימאלער סיסטעם, נאר אנשטאט ניצן צען ציפער-סימבאלן ניצט מען נאר צוויי, 0 און 1. מען פאנגט אן מיט די ערשטע קאלום אויף דער רעכטער זייט, די "איינסערס" קאלום. מען ציילט 0, 1, ביז מען האט מער נישט קיין סימבאלן, דאן גייט מען לינקס צום נעקסטן קאלום, די "צווייערס" קאלום. מען שרייבט 10 וואס מיינט 1 מאל צוויי מיט 0 מאל איינס. די דריטע קאלום איז די "פירערס", די פערטע קאלום איז די "אכטערס", און אזוי ווייטער, עס דאפלט זיך מיט יעדן קאלום. עס קומט אויס אז 100101 מיינט 1 מאל צוויי און דרייסיג, פלאס 0 מאל זעכצן, פלאס 0 מאל אכט, פלאס 1 מאל פיר, פלאס 0 מאל צוויי, פלאס 1 מאל איינס = זיבן און דרייסיג. אדער אויף דעצימאל 37.

פאלגנד זענען די ערשטע צען נומערן אין בינאריש:

בינאריש אידיש
0 נול
1 איינס
10 צוויי
11 דריי
100 פיר
101 פינף
110 זעקס
111 זיבן
1000 אכט
1001 ניין

די וועלט זאגט א ווערטל: עס זענען דא 10 סארט מענטשן, די וואס פארשטייען בינאריש און די וואס פארשטייען נישט בינאריש.

חיבוררעדאַקטירן

צולייגן נומערן אין בינאריש איז גאנץ פשוט.

0 + 0 ← 0

0 + 1 ← 1

1 + 0 ← 1

1 + 1 ← 0, טראג 1 (ווייל 1 + 1 = 0 + 1 × 10 אין בינאריש)

זעט אויךרעדאַקטירן