בוכאריש

בוכאַריש אדער יודישע טאַדזשיקיש (רוסיש: Еврейско-таджикский диалект, פערסיש: بخاری, ענגליש: Bukhari) איז א יודישע שפראך וואס איז א דיאלעקט פון טאדזשיקיש וואס קומט פון דער קלאסישער פערסיש.

זי ווערט גערעדט צווישן די יודן אין דער שטאט בוכאר אין אוזבעקיסטאן.

איהרע רעדער ווערן געשאצט צו זיין ארום הונדערט-צעהן-טויזנט, וואס פופציג טויזנט פון זיי וואוינען אין ישראל.

אלפאבעט

טראדיציאנאל פלעגט זי ווערן געשריבן ווי אלע אנדערע יודישע שפראכן, נעמליך די העברעאישע אלף בית.

אבער אנהייב די צוואנציגער יאהרן האט די רוסישע רעגירונג געלייגט דרוק מ'זאל טוישן צו לאטיינישע בוכשטאבן און פון ת"ש צו קירלישע.

די רק"ע ראדיאו סטאנציע פון קול ישראל, האט א טעגליכע פופצן מינוטיגע פראגראם אין בוכאריש.