אונטערשייד צווישן ווערסיעס פון "עקאנאמיע פון דעם פאראייניגטן קעניגרייך"

 

 

די היסטאריע פון פאברעצירונג אין בריטען איז אוניקום (יחיד במינו) צוליב בריטענ'ס ראלע אלס די געבורטס ארט פון דעם אינדוסטריעל רעוואלוציע. דורכאויס די מיטעלע יארן (14'טן און 15'טן יאר-הונדערט) איז די פאברעצירונג פון וואלענע טעקסטיילס געווען דער שליסל אינדוסטרי. אין די יארן פון 16'טן און 17'טן יאר-הונדערט האבן זיך אנגעהויבן דעוועלאפן אסאך נייע אינדוסטריס. צווישן זיי: זיידן וועבעריי, קליידער פאברעצירונג, הוטן, טעפווארג, און מעסערווארג. די אלע זאכן זענען געמאכט געווארן אין קליינע וואורקשאפס און זענען געווען לעיבר אינטענסיוו.

פונעם 18'טן יאר-הונדערט און ווייטער האט דער אינדוסטריעל רעוואלוציע אלעס געטוישט און רוב זאכן זענען אריבערגאגאנגען צו גרויסע פעקטאריס ווי היינט. מען האט אנגעהויבן האנדלן אויסערן לאנד און סטאק מארקעטס האבן זיך אנגעהויבן דעוועלאפן. דער הויפט טויש וואס דער אינדוסטריעל רעוואלוציע האט געמאכט איז געווען דאס רוב זאכן וואס פלעגן ארויסגעגעבן ווערן פאר היימארבעטער וואס פלעגן מאכן ארבעט מיט די האנט האט אנגעהויבן צו געמאכט ווערן מיט מאשינען. א ספעציעלע מארקעט האט זיך פארוואנדעלט פון מאשינען אליין און די בריטישע רעגירונג האט דאס קאנטראלירט אז עס זאל נישט ווערן טייער כדי יעדע פירמע זאל זיך קענען ערלויבן מאשינערי און אזוי ארום האבן א שאנס נאכצוקומען די נייע מאדערניזירטע ביזנעס וועלט.

 

 

בריטען איז היסטאריש געווען אן אינאוואטאר און וועלט פירער און מערערע פארמען פון טראנספארטאציע, פון שיפינג ביז באן סיסטעמען און אוויאציע. בריטען איז געווען די ערשטע לאנד וואו אויטאס זענען געווארן א טייל פון דאס לעבן. מיט באנען איז זי אייביג געווען פארגעשריטן און אויך אין אוויאציע האט זי שטענדיג געמאכט פארשריט.

אין די שיפינג ביזנעס איז בריטען פאר יארן געווען די הויפט, צוליב דעם וואס בריטען איז אן אינזל. אין די יארן פון די צוויי וועלט קריגן איז געווען א גאנצע פארמעסט און שטארקע קאנקורענט צווישן די אייראפעאישע לענדער ווער עס איז דער גרעסטער אין די שיפינג ביזנעס. שפאניע איז געווען די ערשטע פירער אבער די בריטישע עמפייער האט עס גיך אויסגעכאפט. שפעטער האט זיך בריטען געקריגט מיט פראנקרייך און דייטשלאנד און זיי אויך צונישט געמאכט. נאך די צווייטע וועלט קריג האט עס אמעריקע איבערגענומען. דאס איז געווען צוליב די הונדערטער שיפן און שיפינג באזעס וואס די דייטשן האבן געזונקן און חרוב געמאכט. אין דער זעלבער צייט האבן אמעריקאנער שיף בויער זיך אריינגעארבעט און איבערגענומען די שיפינג מאכט מיט וועלכע זי גייט נאך אן ביז היינט.

 

 

די בריטישע פאסט אפיס איז געגרינדעט געווארן אין יאר 635' און איז פארצייכנט אין היסטאריע פאר'ן מאכן די "פעני בלעק", די וועלט'ס ערשטע קלעבעדיגע פאסט מארקע אין 840'. פארגאנגענעם יאר האט די פאסט אפיס, א פאבליק אייגנטום קארפאראציע, געטוישט איר נאמען צו קאנסיגניע. די אפעראציעס פון קאנסיגניע איז צוטיילט אין דריי ביזנעסער: די "ראיעל מעיל", וועלכע באהאנדעלט די איינזאמלונג און דעליווערי פון אלע שטיקער פאסט, "פארסעלפארס", באהאנדעלט אלע פארסעלס (גרעסערע שטיקער מעיל, פראדוקטן א.ד.ג.), און די "פאסט אפיס", וועלכע באהאנדעלט די ריטעיל מארקעט פאר די מאסן.

די פאסט אפיס באהאנדעלט אויך די אויסגיבונג פון רעגירונג פענסיעס און וועלפעיר בענעפיטן, מאכט לייסענסעס, קארסירט יוטיליטי פירמע בילס, און גיט בענקינג סערוויסעס פאר געוויסע בענק. די פאסט אפיס גיט אויך טרעוועל אינשורענס, אויסערן וואלוטע, און איז ווי אן אגענט פאר די וועסטערן יוניאן געלט טראנספער סערוויס. רוב פון די 19,000 פאסט אפיסעס זענען פרענטשייסעס געקויפט פון קאנסיגניע (א פרענטשייס איז טייטש אן אייגן געשעפט אונטער א נאמען פון א קייט פירמע וועלכע אנטהאלט אירע פראדוקטן. דער בעסטער ביישפיל איז די וועלט בארימטע מעקדאנעלט רעסטוראנטן וועלכע זענען יעדע איינע דאס אייגנטום פון פריוואטע מענטשן וואס נוצן דעם נאמען מעקדאנעלט און פארקויפן זייערע עסן), וועלכע אפערירט דירעקט אינגאנצן 600 אפיסעס.

 

 

בריטען האט איינע פון די וועלט'ס גרעסטע און מערסט טעכנאלאגיש פארגעשריטענע טעלעקאמיוניקאציעס סיסטעמען. בריטיש טעלעקאמיוניקאציעס (בי.טי.), וועלכע האט נישט לאנג צוריק געהאט א מאנאפאלי, איז פריוואטיזירט געווארן אין 84' און אמפערט זיך היינט מיט אנדערע קאנקורענט פירמעס וועלכע גיבן ביליגערע ווייערלעס און לאנג דיסטענס סערוויס. די אינדוסטרי ווערט רעגולירט דורך די אפיס אף טעלעקאמיוניקאציעס (אפטע"ל), א רעגירונגס דעפארטמענט וואס ווערט געפירט דורך דעם דירעקטער דזשענעראל אף טעלעקאמיוניקאציעס. אפטעל פארשפרייט קאנקורענט אינערהאלב די טעלעקאמיוניקאציעס אינדוסטרי, מאכט זיכער די פירמעס האלטן די רעגולאציעס, און פארשט אויס קאמפלעינטס.

היסטאריש איז בראדקעסטינג (טראנסמיטירן נייעס און פראגראמען דורך ראדיא אדער טעלעוויזיע) באהאנדעלט געווארן אין בריטען אלס א פאבליק סערוויס מיט די אחריות פון די פארלימענט. מיט בערך 45 יאר צוריק איז בראדקעסטינג געעפענט געווארן פאר די קאנקורענט מארקעט.

די בריטישע בראדקעסטינג קאארפאראציע (באקאנט אלס "בי.בי.סי."), וועלכע איז געגרינדעט געווארן אין 922', איז א ריזן פאבליק בראדקעסטינג פירמע וועלכע ווערט געשטיצט דורך א יערליכן אפצאל פון אלע בריטישע איינוואוינער. אויסער בי.בי.סי. איז דא צענדליגער פריוואטע בראדקעסטינג פירמעס וועלכע ווערן רעגולירט דורך די רעגירונג. יעדע פירמע מוז האבן לייסענס און די רעגירונג קען אפזאגן וועם זיי ווילן.

 

 

בריטען איז איינע פון די וועלט'ס גרעסטע פינאנציעלע צענטערן. באנקירונג, פינאנץ, און אינשורענס באטרעפט 12 פראצענט פון בריטענ'ס דזש.די.פי. און גיט ארבעט פאר איבער א מיליאן מענטשן.

די באנק אף ענגלאנד, וועלכע איז געגרינדעט געווארן אין 694', איז נאציאנאליזירט געווארן אין 946' און איז די איינציגסטע באנק וואס גיט ארויס באנקנאטען אין ענגלאנד און אין וועילס. געציילטע בענק אין סקאטלענד און אין צפון אירלאנד גיבן ארויס אויסלענדישע וואלוטע אין קליינע סכומים. נאכדעם וואס די לעיבר רעגירונג איז ערוועלט געווארן אין 997' האט די באנק אף ענגלאנד באקומען אינדעפענדענס אין מאניטעירי (געלט עינינים), דאס מיינט אז זי קען טוישן די אינטרעסט ראטעס ווען עס שמעקט איר גענוי ווי די פעדעראלע רעזערוו אין די פאראייניגטע שטאטן. אויסער די באנק אף ענגלאנד זענען פאראן איבער 10 גרויסע בענק אין בריטען אריינגערעכנט די פאסט אפיס וועלכע גיט דארט אויך באנק סערוויסעס ווי מיר האבן פריער דערמאנט.