חיים מרדכי מרגליות
הרב חיים מרדכי מרגליות (ה'תק"ם-ט"ו שבט ה'תקפ"ג) איז געווען רב אין דובנא, און דער מחבר פון "שערי תשובה" אויף שולחן ערוך.
| געבורט |
1780  |
|---|---|
| טויט |
1823 (אלט 43 בערך) אוקראינע |
| פאך |
רב |
  | |
הרב מרגליות איז געבוירן אין יאר תק"מ (בערך) צו זיין פאטער הרב מאניש מרגליות, אב"ד וויטקאוו און דינעוויץ און מוטער דבורה מרגליות. ער איז געווען א ברודער פון הרב אפרים זלמן מרגליות, און אן איידעם ביי זיין פעטער רבי אליקים געציל מרגליות.
אין זיינע יונגערע יארן האט ער געלערנט אינעם בראדער קלויז. אין תק"ס איז ער געווארן רב אין ברעסטעטשקע; דערנאך האט ער אנגענומען דאס רבנות אין דובנא, וואו ער האט אויפגעשטעלט א דרוקעריי.
ער איז נפטר געווארן אין תק"ף אדער תקפ"ג אין בראד אדער דינעוויץ.
אין תקפ"ה איז פארעפנטליכט געווארן אין דובנא זיין ספר שערי תשובה אויף שולחן ערוך אורח חיים, וואס ברענגט צוזאמען פריערדיגע תשובות לויטן סדר פונעם שולחן ערוך. דער "שערי תשובה" איז געדרוקט אין רוב אויסגאבעס פון שולחן ערוך אורח חיים, אויך מיט דער משנה ברורה.
 | דער ביאגראפישער ארטיקל וועגן א רב איז א שטומף. דאס הייסט עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |