זושא ברייטבארט

גיבור אין קירקאס

זושא ברייטבארט (באקאנט אלס זיגמאנד) (22סטן פעברואר, 1893 – 12טן אקטאבער 1925) איז געווען א גיבור, פארשטעלער און קינצלער.

זושא ברייטבארט
געבורט 22 פעברואר 1893
פוילן רעדאקטירן דעם פֿאקט ביי וויקידאטן
טויט 12 אקטאבער 1925 (אלט 32)
בערלין, וויימארער רעפובליק רעדאקטירן דעם פֿאקט ביי וויקידאטן
מדינה פוילן רעדאקטירן דעם פֿאקט ביי וויקידאטן
קבורה ארט בערלין רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער
זיין קבר אין בערלין

ביאגראפיע רעדאַקטירן

זושא ברייטבארט איז געבוירן צו פרומע חסידישע עלטערן אין דער שטאט סטריקאוו, גאליציע (היינט פוילן). זיין טאטע איז געווען א שמיד.

פון אלס קליין קינד האט ער ארויסגעוויזן אויסטערלישע, איבערמענטשליכע פיזישע כוחות. מיט זיינע בלויז הענט פלעגט ער צעבייגן אייזן ווי כאילו זיי זענען פשוט'ע פאפירענע שאכטלען.

אלס בחור ביי דער ערשטער וועלט מלחמה איז ער גענומען געווארן אין דער רוסישער ארמיי. אין לויף פונעם קריג איז ער געכאפט געווארן דורך די דייטשן און ער איז גענומען געווארן אין ארעסט אין דייטשלאנד.

נאכ'ן קריג האט ער זיך באזעצט אין דייטשלאנד, וואו ער האט אנגעהויבן צייגן זיינע קונצן. ער האט זיך אנגעשלאסן אין א לאקאלער צירקוס גרופע, און ער האט אנגעהויבן ארומפארן מאכן פארשטעלונגען איבער גאנץ אייראפע.

זיינע קונצן רעדאַקטירן

ער פלעגט פארשטעלן זיינע קונצן ווי בייגן און צעברעכן שווערע אייזנס; אויפהייבן גאר שווערע וואג; ער האט געביסן און צעבראכן אייזן מיט זיינע ציין; מיט זיינע בלויזע ציין האט ער געשלעפט וועגענער צי קארן פול מיט מענטשן; מיטארבעטער האבן צעבראכן גראבע ציגל מיט א האמער אויף זיין ברוסטקאסטן; און פיל אנדערע קונצן.

ער פלעגט גיין אנגעטאן אין א פארצייטישן רוימישן מונדיר. מיט דער צייט האט ער אויפגעבויט א שטארקע נאכפאלגערשאפט, בפרט אידן, וועלכע האבן ארויפגעקוקט אויף דעם אידישן העלד, וועלכער איז געווען שטאלץ מיט זיין אידישן אפשטאם.

ער פלעגט טראגן א מגן דוד סימבאל ביי רוב פון זיינע פארשטעלונגען. לויט טייל איז ער אפילו באטיטלט געווארן אלס דער שטערקסטער מענטש אין דער וועלט.

לויט געוויסע באריכטן האט ער ווייטער געלעבט א פרומע לעבן פון שבת און כשרות.

א טראגישע ענדע רעדאַקטירן

זיין סוקסעספולע קאריערע איז אבער פריצייטיגע געקומען צו אן ענדע, ווען ער איז ל"ע נפטר געווארן אין יונגן עלטער פון בלויז 32 יאר אלט.

ביי איינס פון זיינע פארשטעלונגען אין ראדעם, פוילן, האט ער געמאכט א פאטאלן טעות וואס האט געקאסט זיין לעבן. ער האט גענומען א ראד מיט עטליכע שפיציגע העלצעלעך און ער האט געוואלט מאכן א קונץ, אבער בטעות האט ער זיך געשטאכן אין זיינע לענדן.

 

ער איז אפגעפירט געווארן אין שפיטאל וואו עס איז דורכגעפירט געווארן אומצאליגע אפעראציעס, אריינגערעכנט צוויי וואו מען האט אראפגעשניטן זיינע פיס ל"ע, אבער טראץ אלע פרואוון איז ער ל"ע נפטר געווארן קורצלעך דערנאך פון בלוט פארפעסטיגונג.

זיין לויה איז פארגעקומען אין בערלין, מיט דער באטייליגונג פון טויזנטער אידן. דער רב פון קהילת עזרת תורה, הרב עזרא מאנק, האט אים מספיד געווען און ער איז באערדיגט געווארן אין בערלין.

רעפערענצן רעדאַקטירן

 
זושא שלעפט שווערע וואג מיט זיינע בלויזע ציין

א באשרייבונג אויף קאווע שטיבל