נחום יואל האלפערין

ישראלישער סוחר

נחום יואל האלפערין (י"ז חשוון תרע"א, 19טן נאוועמבער 1910ה' כסלו תשמ"ז, 6טן דעצעמבער 1986) איז געווען א חרדישער ייד א סוחר און אן עסקן, פון די פירער פונעם חרדישן ציבור אין תל אביב, און פארזיצער פון אתרא קדישא.

נחום יואל האלפערין
קיין פריי בילד
געבורט 19 נאוועמבער 1910 רעדאקטירן דעם פֿאקט ביי וויקידאטן
טויט 6 דעצעמבער 1986 (אלט 76) רעדאקטירן דעם פֿאקט ביי וויקידאטן
מדינה ישראל רעדאקטירן דעם פֿאקט ביי וויקידאטן
פאך סוחר רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

ביאגראפיע רעדאַקטירן

ער איז געבוירן געווארן אין 1910 אין שטעטל דעלאטין אין אסט-גאליציע, דער צווייטער זון פון יעקב האלפערין. ווען די  ערשטע וועלט-מלחמה האט אויסגעבראכן אין 1914, איז די משפחה אנטלאפן קיין ווין, וואו זיי זענען געבליבן עטלעכע חדשים און פון דארטן זענען זיי אריבער קיין אמסטערדאם, און זיי האבן געוואוינט דארט זיבן יאר.

אין יאר 1920, ווען ער איז געווען אלט אכט יאר, האט זיין פאטער אים געשיקט צו דער תלמוד תורה אין לייפציג, וואו ער האט געלערנט ביי הרב דוד פעלדמאן. א יאר נאכהער האט זיין משפחה זיך געצויגן צוריק קיין ווין און ער האט געלערנט אין דער ארטיגער תלמוד תורה. ער איז געווען א מיטגליד פון צעירי אגודת ישראל אין ווין, און ער האט זיך באטייליגט אין די צוויי כנסיות גדולות פון אגודת ישראל וואס זענען פארגעקומען אין ווין אין די 1920ער יארן. ער איז געווען מקושר צו די רוזשינער רבי׳ס וואס האבן געוואוינט אין ווין, ספעציעל מיטן טשארטקאווער רבי׳ן, רבי ישראל פרידמאן.

אין 1933 איז ער ארויף מיט זיינע עלטערן קיין ארץ ישראל און די משפחה האט זיך באזעצט אין תל אביב. ער האט געפירט פילצווייגיקע געשעפטן, צווישן זיין האט ער געהאלטן אפקילונג מאגאזינען, א זאל און א רעסטאראן אין בתל אביב.

האלפערין איז געווען שטארק מקורב צום חזון איש, וואס האט געזאגט אויף אים "בכל ביתי נאמן הוא". ער האט פארלאזט אויף זיין ארדענטלעכקייט און געטרייקייט און האט אים באשטימט גבאי פון פארשידענע מוסדות און ארגאניזאציעס, צווישן זיין דער קרן השביעית.

ער איז געווען א מיטגליד אין דער הנהלה פון דער אתרא קדישא ארגאניזאציע, און אין די 1970ער יארן האט מען אים באשטימט פארזיצער פון דער ארגאניזאציע. ער האט געארבעט צו ראטעווען די אלטע יידישע בית עולם אין ווין, צוליב וואס האט הרב יעקב ישראל קאניעווסקי, דער סטייפלער גאון, געשריבן צו אים: "ולוואי שיהא חלקי עם חלקך בעלמא דקשוט" (הלוואי זאל מיין טייל זיין מיט דיין טייל אינעם עולם האמת).

האלפערין איז געווען א פילאנטראפ פון מוסדות פון תורה, חינוך און חסד אין ארץ ישראל און אין די פאראייניגטע שטאטן.

ער איז נפטר געווארן פון א הארץ-שטילשטאנד אין יאר תשמ"ז, און מען האט אים קובר געווען אינעם שומרי שבת בית הקברות אין בני ברק, וואס זיין פאטער האט אויפגעשטעלט.

משפחה רעדאַקטירן

די קינדער פון ר׳ נחום יואל און זיין ווייב הדסה זענען:

  • אברהם האלפערין פון ניו יארק, א פילאנטראפ וואס איז געווען פארזיצער פונעם קרן השביעית
  • יוסף האלפערין
  • דוד האלפערין פון לאנדאן
  • אהרן האלפערין פון לאנדאן און ירושלים
  • די ווייב פון כנסת דעפוטאט מאיר פרוש
  • די ווייב פונעם קאנאדישן מיליאנער אייזיק רייכמאן
  • די ווייב פון רפאל קליין
  • די ווייב פון אהרן בלוי

ביבליאגראפיע רעדאַקטירן

  • ר' נחום יואל האלפערין ז"ל, ארויסגעגעבן דורך זיין זון  אברהם האלפערין

וועבלינקען רעדאַקטירן

יחזקעל בעסער, ‏דאס אידישע ווארט, טבת תשמ״ז, ביי HebrewBooks